Атланти́да, дгр.
За Атлантиду писали, же то остров, векшый, як Мала Азия и Либия довъедна. Десь, ещи за 9000 рокы до уроджѣня Солона, Атлантида была необычайно богата держава, всемогучы князьове котрой завоевали многы землѣ Середоморя, покля они не были зоперты и поражены стародавныма атенянами и их споенцями. Обывателе Атлантиды з часом ся стали злыма и безбожныма, и их остров быв пролыгнутый морьом по даколькых трясѣнях землѣ и потопах.
Легенда о Атлантидѣ не давать покой писателям, филмарям, малярям уже третье тысячроча, на тоту тему суть написаны уже понад 6 тысяч книг.
Сучасны учены о походжѣню легенды роздѣляють ся. Една часть поважуе, же то плод творивой фантазии Платона, але друга часть звязуе легенду з именом мифичного Атласа и баями, котры походять од давных обывательох Азорскых и Канарскых островох. Вшелияко, в центрѣ интереса е нарисованый Платоном образ чудесного живота обывательох щастливой Атлантиды.
Тоту красну приповѣдку выхосновав (а може и выгадав) Платон на политичне мифотворѣня, обы указав на примѣрѣ преисторичных Атен и Атлантиды вывой двох протикладных типох держав: морално и социално здоровой (преисторичны Атены) и нездоровой, деморализованой богатством и роскошом (Атлантида). Але сытость и деталность опису якраз другого типа заручили повѣданю о Атлантидѣ довгый живот. Атлантида ся стала прообразом далекого и щастливого края, ку котрому ся пак вертали наступны писателе.
З погляду наукы екзистованя на днѣ Атлантичного океану заниклого континента з добы вывоя людства абсолутно вылучене.
Ещи и филозоф Аристотел, ученик Платона, категорично не принимав концепцию свого учителя и якраз при спорѣ о Атлантидѣ прорек свою знамениту фразу: «Платон ми приятель, но истина дорожа». При том вшитком и меджи ученыма суть такы, котры вѣрують, же Атлантида екзистовала, едным з них быв российскый геолог, академик Владимир Обручев, писатель фантастикы и популаризатор наукы.
This article uses material from the Wikipedia Русиньскый article Атлантида, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.