Обичниот галеб (науч. Larus canus) — вид птица од семејството галеби (Laridae).
Обичен галеб | |
---|---|
Возрасен обичен галеб | |
Научна класификација | |
Царство: | Животни |
Колено: | Хордати |
Класа: | Птици |
Ред: | Дождосвирни |
Семејство: | Галеби |
Род: | Larus |
Вид: | L. canus |
Научен назив | |
Larus canus Linnaeus, 1758 |
Го има во Македонија.
Возрасниот обичен галеб личи на трипрстиот галеб. Расте до 43 см и достигнува распон на крилјата од околу 120 см. Тежок е меѓу 300 и 350 гр. Пердувите му се бели, а горната страна на крилјата им е обоена во сиво. Врвовите на крилјата им се црно-бели, додека клунот и нозете, зеленкасто жолти. Младите птици дури во третата година ги добиваат тие бои. Пердувите на мажјаците и женките не се разликуваат. Обичниот галеб може да доживее до 25 години. Огласувањето им звучи како „киеее“ или „киааа“.
Обичните галеби најчесто живеат на бреговите на морињата, а само ретко можат да се видат на бреговите на слатките води. Распространети се во Северна Европа и Средна Европа. Некои обични галеби ја поминуваат зимата покрај вода, или се селат во Јужна Европа сè до брегот на Северна Африка.
Обичните галеби се хранат со риби. Покрај рибите, јадат и црви, инсекти, делови од растенија и отпадоци. Како и другите галеби, доѓаат на зелени површини и полиња, и јадат сè што е хранливо.
Половата зрелост настапува околу третата година. Времето на размножување кај обичните галеби е од мај до јули. Обичните галеби се вгнездуваат во колонии. Гнездото го прават на сува земја со мала вегетација, за родителите да имаат отворен поглед на околината. Растојанието од гнездо до гнездо е меѓу 5 и 20 метри. Женката најчесто снесува 3 јајца во гнездото направено од растенија. Родителите лежат на јајцата 23 до 28 дена, додека да излезат малите галеби. За време од четири до пет недели од изведувањето, галебите можат да летаат.
„Обичен галеб“ на Ризницата ? |
This article uses material from the Wikipedia Македонски article Обичен галеб, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.