Барысаў Сабор Уваскрасеньня Хрыстова

Помнік гісторыі
Сабор Уваскрасеньня Хрыстова
Уваскрасенскі сабор
Краіна	Беларусь
Места	Барысаў
Каардынаты	54°14′42″ пн. ш. 28°30′14″ у. д. / 54.245° пн. ш. 28.50389° у. д. / 54.245; 28.50389 28°30′14″ у. д. / 54.245° пн. ш. 28.50389° у. д. / 54.245; 28.50389
Канфэсія	праваслаўе і Беларускі экзахат
Эпархія	Барысаўская япархія[d]
Архітэктурны стыль	псэўдарускі стыль[d]
Аўтар праекту	Пётр Пятровіч Мяркулаў[d] і Віктар Іванавіч Струеў[d]
Дата заснаваньня	1874
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Сайт	borisov-spas.com
Сабор Уваскрасеньня Хрыстова на мапе Беларусі Сабор Уваскрасеньня Хрыстова
Сабор Уваскрасеньня Хрыстова на Вікісховішчы

Царква́ сабо́рная Ўваскрасе́ньня Хрысто́ва — помнік гісторыі другой паловы XIX ст. (мураўёўка) у Барысаве. Знаходзіцца ў Старым Месьце, на гістарычным Рынку. Дзейнічае, катэдральны сабор Барысаўскай япархіі. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Мураваную саборную царкву Ўрадавага сыноду Расейскай імпэрыі (Маскоўскай царквы) у Барысаве збудавалі на месцы драўлянай царквы Ўваскрасеньня Хрыстова (Сьвяты Пасад), якая згарэла ў 1865 або 1867 годзе. Праект саборнай царквы распрацаваў расейскі архітэктар П. Мяркулаў пры ўдзеле рэктара Акадэміі мастацтваў у Пецярбургу Л. Бенуа. Гэты праект зацьвердзілі з асабістага хадайніцтва менскага япіскапа Аляксандра (Дабрыніна). У верасьні 1871 году на Рынку адбылася закладка сьвятыні. 20 кастрычніка 1874 году япіскап Аляксандар асьвяціў новазбудаваны сабор.

Паводле зьвестак за 1901 год, у прыходзе налічвалася 2954 мужчыны і 2966 жанчын месьцічаў, а таксама жыхары 9 навакольных вёсак. У 1907 годзе перад саборам паводле праекту расейскага архітэктара В. Струева збудавалі мураваную званіцу.

У 1937 годзе савецкія ўлады зачынілі сабор. У Другую сусьветную вайну ён зноў пачаў дзейнічаць. У 1945 годзе савецкія ўлады перадалі сабор Маскоўскаму патрыярхату (пры гэтым зачынілі тутэйшы касьцёл).

Царква

Яскравы прыклад Маскоўска-Яраслаўскага кірунку эклектычнай царкоўнай архітэктуры Расейскай імпэрыі, у якім прысутнічаюць прыкметы стылізацыі формаў маскоўскага царкоўнага дойлідзтва XVII стагодзьдзя. Гэта крыжова-купальны храм з амаль квадратным у пляне цэнтральным аб'ёмам. Даўжыня будынка складае 27 мэтраў, шырыня — 23 мэтры, вышыня — 12 мэтраў. Кубападобны асноўны аб'ём завяршаецца 5-купальлем на 4-схільным даху, які мае ў цэнтры цыліндрычны сьветлавы барабан і вялікі купал-цыбуліну, а з кутоў — цыліндрычныя барабаны зь меншымі купаламі-цыбулінамі. Такія ж купалы прысутнічаюць над апсыдай і бакавымі прыбудовамі. Урачыстасьць вобразу будынка надае калярыстычны кантраст чырвоных цагляных муроў і белых элемэнтаў архітэктурнай плястыкі. Сярод дэкаратыўных элемэнтаў фасада — какошнікі, ліштвы з паўкруглымі і трыкутнымі франтонамі, прафіляваныя карнізы, кутнія руставаныя пілястры і філёнгі. Каб падкрэсьліць галоўны аркавы ўваход выкарыстоўваецца вялікі партал, які мае выгляд прафіляванай аркі на чатырох бочкападобных слупах.

Унутраная прастора асьвятляецца двума радамі аконных праёмаў і падзяляецца чатырма магутнымі слупамі на тры нэфы, перакрытыя крыжовымі скляпеньнямі. Тыя ж чатыры слупы пры дапамозе ветразяў падтрымліваюць сьветлавы барабан з купалам над сяродкрыжжам. Сьцены падзяляюцца пры дапамозе профіляў і лапатак. У апсыдзе знаходзіцца фрэскавая выява Бога Саваофа, на крыжовых скляпеньнях на падпружных арках — арнамэнтальная размалёўка. Над уваходам знаходзяцца хоры, адкрытыя аркавым праёмам. На хоры вядуць сходы з тамбура. Галоўны прастол у імя Уваскрасеньня Хрыстова разьмяшчаецца ў апсыдзе, зь левага боку ад яго знаходзіцца прастол у імя князя Ўладзімера, з правага — прастол у імя Аляксандра Неўскага. У інтэр'ер тры дубовыя нефарбаваныя іканастасы. Галоўны мае чатыры ярусы з 24 абразамі, іканастасы з абодвух прыдзелаў — 1-ярусныя з 10 абразамі кожны. Іх упрыгожваюць пазалочаныя калёны, разьба, рамы і карнізы.

Званіца

Перад саборам на адной восі з ім знаходзіцца мураваная званіца, збудаваная ў тым жа стылі. Гэта вежападобны 3-ярусны (васьмярык на двух чацьверыках) будынак, завершаны шатром з купалам-цыбулінай. Першы ярус займае брама.

Гістарычная графіка

• Старая графіка
•  
  А. Мяркулаў, 1868 г.
•  
  1877 г.
•  
  1918 г.

Гістарычныя здымкі

• Старыя здымкі
•  
  каля 1900 г.
•  
  1905 г.
•  
  1910 г.
•  
  І. Сербаў, 1911 г.

•  
  да 1918 г.
•  
  да 1918 г.
•  
  1918 г.
•  
  1918 г.

•  
  1918 г.
•  
  1918 г.
•  
  1918 г.
•  
  жнівень 1919 г.

•  
  1920-я гг.
•  
  1941 г.
•  
  1941 г.
•  
  1941 г.

•  
  1941 г.
•  
  1941 г.
•  
  1941 г.
•  
  1941 г.

•  
  1941 г.
•  
  1941 г.
•  
  1941 г.
•  
  1941 г.

•  
  1941 г.
•  
  1941 г.
•  
  ліпень 1941 г.
•  
  жнівень 1941 г.

•  
  19 жніўня 1941 г.
•  
  верасень 1941 г.
•  
  1941—1944 гг.
•  
  1941—1944 гг.

•  
  1941—1944 гг.
•  
  1941—1944 гг.
•  
  1941—1944 гг.
•  
  1941—1944 гг.

•  
  1941—1944 гг.
•  
  1941—1944 гг.
•  
  1941—1944 гг.
•  
  1941—1944 гг.

•  
  1941—1944 гг.
•  
  1941—1944 гг.
•  
  1941—1944 гг.
•  
  1943 г.

Сучасныя здымкі

• Сучасны стан
•  
  Агульны выгляд
•  
  З боку апсыды
•  
  Званіца
•  
  Купалы-цыбуліны

• Архітэктура Беларусі: Энцыклапедычны даведнік. — Менск: Беларус. энцыкл., 1993. — 620 с.: іл. ISBN 5-85700-078-5.
• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  612Г000004

• Сабор Уваскрасеньня Хрыстова ў Барысаве, Radzima.org