Будзьма! Тузін. Перазагрузка-2
Будзьма! Тузін.
Перазагрузка-2 — альбом-складанка 12 беларускіх і замежных гуртоў і сольных выканаўцаў, якія пяюць на ангельскай, расейскай, украінскай мовах, якія зрабілі кавэры на свае песьні на беларускай мове. Кампакт-дыск выдадзены грамадзкай кампаніяй Будзьма беларусамі! сумесна з музычным парталам Tuzin.fm у сьнежні 2011 году. Ідэя Сяргея Будкіна. Імпрэза складанкі з удзелам Алега Скрыпкі прайшла 15 сьнежня 2011 году ў менскім клюбе «Loft».
| Будзьма! Тузін. Перазагрузка-2 | ||
|---|---|---|
![Вокладка альбому Будзьма! Тузін. Перазагрузка-2. розныя выканаўцы[d]. 2011](/wiki/be-tarask/%D0%A4%D0%B0%D0%B9%D0%BB:%D0%91%D1%83%D0%B4%D0%B7%D1%8C%D0%BC%D0%B0!_%D0%A2%D1%83%D0%B7%D1%96%D0%BD._%D0%9F%D0%B5%D1%80%D0%B0%D0%B7%D0%B0%D0%B3%D1%80%D1%83%D0%B7%D0%BA%D0%B0-2_300p.gif) | ||
| Альбом-складанка розныя выканаўцы[d] | ||
| Выдадзены | 15 сьнежня 2011 году | |
| Запісаны | 2011 | |
| Жанр | поп-рок | |
| Працягласьць | 49:51 | |
| Выдавец | Будзьма беларусамі!, Tuzin.fm | |
| Прадусар | Алесь Кот-Зайцаў, Сяргей Будкін | |
| Храналёгія розныя выканаўцы[d] | ||
| Тузін. Перазагрузка (2011) | Будзьма! Тузін. Перазагрузка-2 (2011) | |
Сьпіс кампазыцыяў
| № | Назва | Словы | Музыка | Арыгінал | Працягласьць |
|---|---|---|---|---|---|
| 1. | «Краіна мрой» (Воплі Відоплясова) | Андрэй Хадановіч | Алег Скрыпка | па-ўкраінску: Країна мрій | 4:51 |
| 2. | «Дзень без чар тваіх» (Алег “Jagger” Мінакоў) | Сяргей Балахонаў | Алег “Jagger” Мінакоў | па-ангельску: Day Without Your Love | 3:56 |
| 3. | «Кантрабанды» (Мумій Троль) | Андрэй Хадановіч | Ільля Лагуценка | па-расейску: Контрабанды | 4:00 |
| 4. | «Апошняе сонца» (Dreamgale) | Dreamgale | Dreamgale | – | 4:23 |
| 5. | «Дождж» (5diez) | Сяргей Балахонаў | 5diez | па-расейску: Дождь | 4:46 |
| 6. | «Зрывае дах» (Макс Лорэнс) | Глеб Лабадзенка | Макс Лорэнс | па-расейску: Схожу с ума | 4:01 |
| 7. | «Сонейка» (Марыя Тарасевіч) | Уладзімер Лянкевіч(ru) | Марыя Тарасевіч | па-расейску: Солнышко | 3:29 |
| 8. | «Небасхіл Еўропы» (Аляксандар Рыбак) | Глеб Лабадзенка | Аляксандар Рыбак | па-ангельску: Europe's Skies | 3:42 |
| 9. | «Апошні дзень Зямлі» (Смыславыя галюцынацыі) | Уладзімер Лянкевіч(ru) | Сяргей “Буба” Бабунец | па-расейску: Последний день Земли | 3:30 |
| 10. | «Акіян у цішы» (Leon Gurvitch Project) | Алесь Камоцкі | Leon Gurvitch Project | па-ангельску: Infinite Ocean | 6:51 |
| 11. | «Стоп-мафія» (Zdob și Zdub) | Сяргей Балахонаў | Міхай Гынку | па-расейску: Стоп, мафия! | 2:52 |
| 12. | «Пакуль» (Алена Свірыдава) | Андрэй Хадановіч | Алена Свірыдава | па-расейску: Пока | 3:22 |
Прыём крытыкаў
Тацяна Заміроўская ў рэцэнзіі на «цудоўны праект сайту Tuzin.fm і кампаніі Будзьма беларусамі!» для часопісу «Большой» вывела, што «дыск выйшаў някепскім». Ільля Маліноўскі на хвалях Эўрапейскага радыё для Беларусі адзначыў, што гэта «рэальна якасная музыка ад сапраўдных прафэсіяналаў у любых напрамках».
На цырымоніі Ultra-Music Awards 2011 CD быў названы пераможцам у катэгорыі «Праект году».
У 2018 годзе музычны партал Tuzin.fm разам з Letapis.by уключыў песьню «Краіна мрой» Воплей Відоплясова ў топ «60 беларускамоўных гітоў сучаснасьці» (сьпіс найлепшых песень, выдадзеных з 1988 году).
У 2019 годзе Лёша Горбаш з 34mag уключыў праэкт у сьпіс самых значных падзеяў у беларускай музыцы за перыяд 2010—2019 гадоў.
Заўвагі
Крыніцы
Вонкавыя спасылкі
This article uses material from the Wikipedia Беларуская (тарашкевіца) article Будзьма! Тузін. Перазагрузка-2, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.