Botanika
An botanika (Ingles: botany), inaapod man na biyolohiyang pangtanom o pitolohiya, iyo an siyensya nin buhay kan tinanom sagkod iyo sanga kan biyolohiya.
An botaniko, siyentistang pangtanom, o pitolohiko iyo an siyentistang espesyalista sa ladong ini. An terminong "botanika" iyo gikan sa suanoy na Griyegong taramon na βοτάνη (botanē), boot-sabihon iyo "pastura", "herbal" "damo", o "fodder"; sagkod an βοτάνη iyo gikan sa βόσκειν (boskein), "magbahog" o "magpastol".
Sa tradisyon, an botanika iyo pigbabale man an pag-aadal sa fungi asin algae nin mga mikolohiko asin pikolohiko, kun sain an pag-aadal kan tolong grupo kaini nin mga organismo iyo natatada sa sakop nin interes kan International Botanical Congress. Sa ngunyan, an mga botaniko (sa istriktong paghiling) iyo minaadal nin harus 410,000 na espesye nin mga pangdagang espesye kun sain an pirang 391,000 na espesye iyo mga baskular na tinanom (kabale an harus 369,000 na mga espesye nin nagbuburak na tinanom), sagkod an harus 20,000 iyo brayopito.
Hilingon man
Toltolan
This article uses material from the Wikipedia Bikol article Botanika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.