Liwanag

An nahihiling na liwanag iyo harus may kahulugan na igwa nin mga wavelength sa rango nin 400–700 nm, sa tahaw kan infrared (may mas halabang mga wavelength) asin an ultraviolet (may mas halipot na mga wavelength). An mga wavelength na ini may boot-sabihon na rango nin prekwensya na harus 430–750 terahertz (THz).

An pangenot na gunuan nin liwanag sa Kinaban iyo an Saldang. An liwanag kan saldang minatao nin enerhiya sa mga berdeng tinanom tanganing makamokna nin mga asukar na harus sa porma nin mga starch, na minaluwas nin enerhiya sa mga nabubuhay na bagay na minatulon sa sainda. An prosesong ini kan potosintesis iyo kan mga enerhiyang nagagamit nin mga nabubuhay na bagay. Sa uusipon, an saro pang importanteng gunuan nin liwanang para sa mga tawo iyo an kalayo, gikan sa mga suanoy na kampo-kalayo hasta sa mga modernong lamapara nin kerosene. Sa pagkamokna nin mga elektrikong liwanag asin sistemang pangkusog, an elektrikong pampaliwanag iyo epektibo nang naribayan an mga liwanag hale sa kalayo. May nagkapira man na ispesye kan hayop na nakakahimo kan sadiri nindang liwanag, sarong prosesong inaapod na bioluminescence. Halimbawa, an mga aninipot iyo minagamit nin liwanag tanganong makahanap nin kaparehas asin an mga bampirang pusit ginagamit ini para magtago sa mga pwedeng magkakan sa sainda.

• Enerhiyang solar
• Init
• Potosintesis

• Liwanag (pisika) sa Encyclopædia Britannica
• Liwanag Archived 2021-01-24 at the Wayback Machine. sa Encyclopedic Dictionary of Vietnam