patola (Luffa aegyptiaca; Ingles: sponge gourd, Egyptian cucumber, o Vietnamese luffa),sarong species kan Luffa asin ini inaataman huli kan prutas kani.
Taonan nabunga, an patola tubong tal sa Habagatan na Asya asin Sur-subangan na Asya.
Patola | |
---|---|
Bunga asin magunot na gusok kan patola | |
An tinanom na patola | |
Sayantipiko na klasipikasyon | |
Kahadean: | Plantae |
Klado: | Angiosperms |
Klado: | Eudicots |
Klado: | Core eudicots |
Klado: | Rosids |
Orden: | Cucurbitales |
Pamilya: | Cucurbitaceae |
Genus: | Luffa |
Espesyes: | L. aegyptiaca |
Ngaran binomyal | |
Luffa aegyptiaca Mill. | |
Sinonimo | |
|
An bunga kaini nalaba mga 30 sm (12 pul) asin agid sa porma asin tamanyo kan matilabang pepino. Huli daa kan maraborab na kolor giyaw kan burak, ini inaataman man na ornamental sa harong. Mas bagay an pagpatubo kaini na may pakamanganan na sala-sala. An patola nangangaipo nin dakul na saldang kaya angay na itanom sa bantaakan asin makitubig ngarig ini magtubang.
An bunga nin patola, na kakanon komo berdura, mas angay lutoon na hubal pa ta kun lutoon gurang na, ini nagigin makura'sil asin nalataw nna an saiyang garo ginaras na laman asin magunot na. An patolang gurang na ginagamit na panghisong espongha ta magaspang an saiyang pagkagunot. An siring na kagamitan inaapod na siyang luffa sa Ingles.
Nakakahiris man nin lana sa pisog kain na pwede mausar sa pagluto asin an hinirisan kaini pwedeng pambahog sa mga koneho asin mga sira na hito o magsirbe man na pampataba sa tinanom.
An bunga linuluto pwede sa gisa na may karne o pasayan o pwede man may dikit na sabaw kun ini isasabay sa miswa. Sa paggisa pwede man may kasaralak na talong, okra, balatong asin ligbos.
Sa Palestina, an Luffa aegyptiaca halawig nang ginagamit poon pa kan panahon kan Imperyong romano. Mga prutas na hubal naserbing pagkakan asin an sobrang rumon ginagamit panhiso sa pagparigos. Nahihiling man sa panahon Bisantino na sa Palestina iginuhit an porma kaini sa pag'arte sa mga mosaic kan lanob asin salog, orog na sa mga simbahan asin sinagoga.
This article uses material from the Wikipedia Bikol article Patola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.