Carl Linnaeus

Siya inaapod bilang an "ama kan modernong taksonomiya". An nagkapira sa saiyang sinurat iyo nasa Latin, asin an saiyang ngaran pigsusurat sa Latin bilang Carolus Linnæus (pakatapos kan 1761 na Carolus a Linné).

Carl von Linné, Alexander Roslin, 1775 (lana sa canvas, Gripsholm Castle)
Kamundagan	(1707-05-23)23 Mayo 1707 Råshult, Stenbrohult na parokya (ngunyan sa laog kan Munisipalidad kan Älmhult), Suweko
Kagadanan	10 Enero 1778(1778-01-10) (edad 70) Hammarby (estado), Danmark na parokya (sa luwas kan Uppsala), Suweko
Lulubngan	Katedral nin Uppsala 59°51′29″N 17°38′00″E / 59.85806°N 17.63333°E / 59.85806; 17.63333
Nasyunalidad	Suweko
Alma mater	Lund University Uppsala University University of Harderwijk
Midbid bilang	Nomenklaturang binomyal Taksonomiya
Mga aki	7
Karera sa siyensya
Lado	Biyolohiya Botanika Solohiya
Institusyon	Uppsala University
Thesis	Dissertatio medica inauguralis in qua exhibetur hypothesis nova de febrium intermittentium causa (1735)
Bantog na estudyante	Peter Ascanius
Author abbrev. (botanika)	L.
Author abbrev. (soolohiya)	Linn.
Lagda

Si Linnaeus iyo namondag sa Råshult, an kabukidan kan Småland, sa habagatang Suweko. Naguno niya an kadaklan sa saiyang halangkaw na edukasyon sa Uppsala University asin nagpoon magtao nin lektura sa botanika duman kan 1730. Nag-istar siya sa luwas kan nasyon sa tahaw kan 1735 asin 1738, kun sain nag-adal siya asin nagpublikar man kan enot na edisyon kan saiyang Systema Naturae sa Nederlands. Nagbalik siya dagos sa Suweko kun sain nagin siyang propesor kan medisina asin botanika sa Uppsala. Kan 1740s, pinadara siya sa pirang mga biyahe sa paagi kan Suweko para makahanap asin makaklasipika nin tinanom asin hayop. Kan 1750s asin 1760s, pinadagos niya na magkolekta asin magklasipika nin mga hayop, tinanom, asin mineral, mientras nagpupublikar nin pirang mga bolyum. Saro siya sa mga pinakatinatangad na siyentista sa Europa sa oras kan saiyang kagadanan.

An pilosopong si Jean-Jacques Rousseau nagtao saiya nin mensahe (sa Ingles): "Tell him I know no greater man on earth." Si Johann Wolfgang von Goethe nagsurat: "With the exception of Shakespeare and Spinoza, I know no one among the no longer living who has influenced me more strongly." An Suwekong awtor na si August Strindberg nagsurat: "Linnaeus was in reality a poet who happened to become a naturalist." Si Linnaeus inaapod na Princeps botanicorum (Prinsipe kan mga Botaniko) asin "The Pliny of the North". Pigkokonsidera man siya na saro sa mga kagmokna kan modernong ekolohiya.

Sa botanika asin solohiya, an abrebasyong L. iyo ginagamit sa pag-indika ki Linnaeus bilang an otoridad para sa ngaran kan espesye. Sa mga gurang na mga publikasyon, an abrebasyong "Linn." iyo nahanap. Si Linnaeus mantinindo na pigbibilog an type specimen para sa espesye na Homo sapiens bilang pagsunod sa International Code of Zoological Nomenclature, huli ta an solamenteng specimen na saiyang pig-eksaminar iyo an saiyang sadiri.

• Biyograpiya sa Department of Systematic Botany, University of Uppsala
• Biyograpiya sa The Linnean Society of London
• Biyograpiya gikan sa University of California Museum of Paleontology
• Apat na minutong biyograpikal na bidyo gikan sa London Natural History Museum sa YouTube
• Biyograpiya gikan sa Taxonomic Literature, 2nd Edition. 1976–2009.