Kelvin: Unidá de temperatura del sistema internacional

Foi nomada n'honor de Lord Kelvin, qu'a los sos 24 años introduxo la escala de temperatura termodinámica.

Kelvin
Unidaes básiques del Sistema Internacional, unidá de temperatura y unidá coherente del SI

Tómase como la unidá básica de temperatura nel Sistema Internacional d'Unidaes y correspuéndese a una fraición de 1/273,16 partes de la temperatura del puntu triple de l'agua. Represéntase cola lletra K, non ºK. Amás, el so nome nun ye'l de "grau Kelvin" sinón cenciellamente kelvin; nun se diz "19 graos Kelvin" sinón "19 kelvin" ó "19 K".

Al coincidir l'incrementu d'un grau Celsius col d'un Kelvin, la so importancia radica nel 0 de la escala: a la temperatura de 0 K denómase-y cero absolutu y correspuende al puntu nel que les molécules y átomos d'un sistema tienen la mínima enerxía térmica posible. Nengún sistema macroscópicu pue tener una temperatura inferior.

A la temperatura midida en Kelvin llámase-y "temperatura absoluta", y ye la escala de temperatures que s'usa en ciencia, especialmente en trabayos de física o química.

La escala Celsius defínese anguaño en función del Kelvin, siendo 0 °C equivalente a 273,16 K.

• kelvin a graos Celsius
  ${\displaystyle \mathrm {C} =\mathrm {K} -273,16}$ 

Exemplos de temperatures notables:

• Cero absolutu 0 K o −273 °C
• Conxelamientu de l'agua 273 K ó 0 °C

Nun sistema termodinámicu la enerxía contenida poles partícules ye proporcional a la temperatura absoluta, siendo la constante de proporcionalidá la constante de Boltzmann. Per aciu d'ello ye posible determinar la temperatura d'unes partícules con una determinada enerxía, o calcular la enerxía d'unes partícules a una determinada temperatura:

• electrón-voltios a kelvin

${\displaystyle \mathrm {K} =\mathrm {eV} \times 11,\!605}$ 

• kelvin a electrón-voltios

${\displaystyle \mathrm {eV} ={\frac {\mathrm {K} }{11,\!605}}}$ 

• Folletu del BIPM sobre'l kelvin (n'inglés)
• Conversor de Graos a Kelvin (en castellanu)