Einheid Kelvin

Laes hie wie v'r mit de versjillende saorte Limburgs ómgaon.

De kelvin (aongeduid mèt 't symbool K) is de einheid vaan thermodynamische temperatuur en is ein vaan de zeve basiseinhede vaan 't SI. De einheid is verneump nao de Ierse fysicus William Thomson, ouch bekind es Lord Kelvin wie heer in de adelstand waor verheve, dee 'n veurstèl deech veur 'n absolute temperatuursjaol boe 't absolute nulpunt, de theoretische aofwezegheid vaan alle thermische energie, op 0 K ligk. Aanders es de sjaole graode Fahrenheit en graode Celsius weurt de kelvinsjaol neet aongeduid mèt "graode" of mèt 'n graodeteike ° (zoewie °C).

De definitie vaan de kelvin-temperatuursjaol besteit oet twie deile:

• 0 K is geliek aon 't absoluut nulpunt, de liegste temperatuur die theoretisch bereikbaar is (alle moleculair beweging is bij dees temperatuur aofwezeg).
• 1 K is 't 1/273,16^e deil vaan de thermodynamische temperatuur vaan 't tripelpunt vaan water. Dit tripelpunt ligk 0,01 °C (graode Celsius) hoeger es 't smèltpunt vaan ies. Daorum weurt in de umrekening nao graode Celsius de weerde -273,15 gebruuk, want 0 °C is gedefinieerd es de temperatuur vaan smèltend ies in water bij p=p₀.

Umtot de kelvinsjaol 'n absoluut nulpunt heet, kin de kelvin gebruuk weure es absolute einheid. Dit beteikent tots te, zjus wie mèt ampères of joule, kins vermenigvuldige of deile. Mèt de Celciussjaol kins te allein mer optèlle en aftrèkke.

Temperatuurversjèlle zien per definitie in kelvin.

Ouch kleurtemperatuur weurt aongegeve in kelvin.

Oonderstaonde formules geve 't verband tösse 'n temperatuur in kelvin (T_Kelvin) en 't aontal graode (beveurbeeld T_Fahrenheit).

${\displaystyle T_{\text{Celsius}}=T_{\text{Kelvin}}-273{,}15\!}$		${\displaystyle T_{\text{Kelvin}}=T_{\text{Celsius}}+273{,}15\!}$
${\displaystyle T_{\text{Fahrenheit}}=T_{\text{Kelvin}}\cdot {\frac {9}{5}}-459{,}67}$		${\displaystyle T_{\text{Kelvin}}=(T_{\text{Fahrenheit}}+459{,}67)\cdot {\frac {5}{9}}}$
${\displaystyle T_{\text{Rankine}}=T_{\text{Kelvin}}\cdot {\frac {9}{5}}}$		${\displaystyle T_{\text{Kelvin}}=T_{\text{Rankine}}\cdot {\frac {5}{9}}}$
${\displaystyle T_{\text{Reaumur}}=(T_{\text{Kelvin}}-273{,}15)\cdot {\frac {4}{5}}}$		${\displaystyle T_{\text{Kelvin}}=T_{\text{Reaumur}}\cdot {\frac {5}{4}}+273{,}15}$
${\displaystyle T_{\text{Romer}}=(T_{\text{Kelvin}}-273{,}15)\cdot {\frac {21}{40}}+7{,}5}$		${\displaystyle T_{\text{Kelvin}}=(T_{\text{Romer}}-7{,}5)\cdot {\frac {40}{21}}+273{,}15}$