বুঢ়ী আইৰ সাধু
বুঢ়ী আইৰ সাধু হৈছে শিশু উপযোগী এখন সাধু সংকলন। এই কিতাপখন প্ৰথম প্ৰকাশ পাইছিল ১৯১২ চনৰ অক্টোবৰ অথবা নৱেম্বৰ মাহত। লক্ষ্মীনাথ বেজবৰুৱাদেৱে নানা প্ৰবন্ধে বহুজনৰপৰা লিখিত ৰূপত সাধু কথাবোৰ সংগ্ৰহ কৰিছিল। এই সাধুকথা বোৰকে বুঢ়ী আইৰ সাধু নাম দি সাধু সংকলনৰূপে প্ৰকাশ কৰিছিল।
| বুঢ়ী আইৰ সাধু | |
|---|---|
 | |
| লেখক | লক্ষ্মীনাথ বেজবৰুৱা |
| দেশ | অসম, ভাৰত |
| ভাষা | অসমীয়া |
| প্ৰকাৰ | সাধু সংকলন |
| প্ৰকাশক | বনলতা |
| প্ৰকাশ | ১৯১২ |
| মিডিয়া প্ৰকাৰ | মুদ্ৰণ |
| আই.এচ.বি.এন. | 81-7339-215-3 |
 ৱিকিউৎসত বুঢ়ী আইৰ সাধুৰ সম্পূৰ্ণ পাঠ পঢ়ক | |
উৎস
লেখকে এই কাহিনীবোৰ অসমৰ সাধাৰণ স্থানীয় লোকসকলৰ পৰা সংগ্ৰহ কৰি এই কিতাপখন প্ৰস্তুত কৰিছিল। তেওঁ কিতাপখনৰ প্ৰস্তাৱনাত উল্লেখ কৰা নামবোৰ যি সকলে লোককাহিনীৰ অৱদান আগবঢ়াইছিল (কিন্তু কোনে কোনটো অৱদান আগবঢ়াইছিল সেয়া স্পষ্টভাৱে উল্লেখ কৰা নাই) আছিল ভ্ৰমৰেন্দ্ৰ ডেকা, মহী চন্দ্ৰ বৰা, সীতানাথ শৰ্মা, সৰ্বেশ্বৰ শৰ্মা কটকী, ৰুদ্ৰকান্ত গোস্বামী, ৱাজেড আলি, নৰনাথ শৰ্মা, ৰোসেশ্বৰ শৰ্মা, পদ্মধৰ চলিহা, ৰত্নকান্ত শৰ্মা, হলধৰ ভূঞা, গোলোক চন্দ্ৰ শৰ্মা, মেঘনাথ ডেকা, ৰূপচন্দ্ৰ বৰুৱা, দিননাথ মেধি, লোকনাথ দাস, গোবিন্দ চন্দ্ৰ চৌধুৰী আৰু দিনেশ্বৰ দত্ত।
ইংৰাজী অনুবাদ
এই কিতাপখন ইংৰাজীলৈ নৃপেন দত্ত বৰুৱাৰ দ্বাৰা "Old Mother's Wise Tales" নামেৰে অনুবাদ কৰা হৈছিল আৰু ভাৰতৰ এলবিএছ প্ৰকাশনৰ দ্বাৰা প্ৰকাশিত হৈছিল।
জনপ্ৰিয় সংস্কৃতিত
১৯৬৩ চনত বেজবৰুৱাৰ গ্ৰন্থখনৰ তেজীমলা নামৰ সাধুটোৰ আধাৰত আনোৱাৰ হুছেইন পৰিচালিত একে নামৰ ছবি এখনে মুক্তি পায়। তেজীমলাই আঞ্চলিক ছবিৰ শিতানত শ্ৰেষ্ঠ অসমীয়া ছবি হিচাপে ৰাষ্ট্ৰপতিৰ “চাৰ্টিফিকেট অৱ মেৰিট” লাভ কৰে।
১৯৮৫ চনত মুক্তি পায় হীৰেণ চৌধুৰী আৰু সুপ্ৰভা দেৱীয়ে যুগ্মভাবে পৰিচালনা কৰা সৰবজান নামৰ ছবিখনে। উল্লেখনীয় যে ছবিৰ পৰিচালক সুপ্ৰভা দেৱী অসমীয়া চলচ্চিত্ৰৰ প্ৰথম মহিলা পৰিচালক।
বেজবৰুৱাৰ সাধুৰ আধাৰত মুক্তি পোৱা তৃতীয়খন অসমীয়া চলচ্চিত্ৰ হ'ল- তুলা আৰু তেজা (২০১২)।
২০১৬ চনত মুক্তি লাভ কৰা ভাস্কৰ হাজৰিকা পৰিচালিত কথানদী এখন হৰৰ ফেণ্টাচী প্ৰকাৰৰ অসমীয়া চলচ্চিত্ৰ। কথানদীৰ ছবিখনৰ কাহিনীটো লক্ষ্মীনাথ বেজবৰুৱাৰ বুঢ়ী আইৰ সাধুৰ কেইটিমান জনপ্ৰিয় সাধু আৰু চৰিত্ৰক কেন্দ্ৰ কৰি গঢ়ি উঠিছে। বুঢ়ী আইৰ সাধুত সন্নিৱিষ্ট "তেজীমলা", "চম্পাৱতী", "ঔ-কুঁৱৰী" আৰু "তাৱৈৰ সাধু" নামৰ চাৰিটা বিশেষ সাধুৰ সংমিশ্ৰণ কৰি কথানদীৰ মূল কাহিনীটো সৃষ্টি কৰা হৈছে। কথানদীয়ে ২০১৫ চনত এছিয়ান চিনেমা ফাণ্ডৰ প'ষ্ট প্ৰডাক্চন বঁটা লাভ কৰে। ২০১৫ চনৰ ১ ৰ পৰা ১০ অক্টোবৰলৈকে অনুষ্ঠিত বিংশতিতম বুছান আন্তঃৰাষ্ট্ৰীয় চলচ্চিত্ৰ মহোৎসৱত এই চলচ্চিত্ৰ প্ৰথমবাৰ প্ৰদৰ্শিত হয়। ২০১৬ চনৰ এপ্ৰিলত ৬৩ তম ৰাষ্ট্ৰীয় চলচ্চিত্ৰ বঁটাত ই শ্ৰেষ্ঠ অসমীয়া চলচ্চিত্ৰৰ বঁটা লাভ কৰে।
বুঢ়ী আইৰ সাধুৰ সাধুকেইটা
| বুঢ়ী আইৰ সাধুৰ সাধু সমূহৰ চৰিত্ৰ আদিৰ কাল্পনিক ডিজিটেল চিত্ৰায়ন | |||||||||
| |||||||||
বুঢ়ী আইৰ সাধুত মুঠ ৩০টা সাধু আছে। সাধুকেইটাৰ নাম তলত উল্লেখ কৰা হ'ল :
|
|
|
|
|
তথ্য সংগ্ৰহ
বাহ্যিক সংযোগ
- অসমীয়া ৱিকিউৎসত লক্ষ্মীনাথ বেজবৰুৱাৰ দ্বাৰা ৰচিত সাধু আৰু অনান্য ৰচনা আছে।
- বুঢ়ী আইৰ সাধু’ত নাটকীয় উপাদান – নৰেন পাটগিৰি Archived 2016-03-06 at the Wayback Machine সাহিত্য ডট অৰ্গ
- বুঢ়ী আইৰ সাধুৰ শ্ৰৱ্য সংযোগ Archived 2013-01-22 at Archive.today
| ৱিকিউৎসত বুঢ়ী আইৰ সাধু বিষয় সংক্ৰান্তীয় মূল পাঠ্য আছে। |
| ৱিকিউদ্ধৃতিত বুঢ়ী আইৰ সাধু বিষয় সংক্ৰান্তত উদ্ধৃতি আছে। |
This article uses material from the Wikipedia অসমীয়া article বুঢ়ী আইৰ সাধু, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.