দ্য চাইনপ'ষ্ট

এই কাকতক জানুৱাৰী ২০০৫ চনত ৱিকিপিডিয়া প্ৰশাসক মাইকেল স্ন'ৱে প্ৰতিষ্ঠা কৰিছিল। পূৰ্বতে দ্য ৱিকিপিডিয়া চাইনপ'ষ্ট নামেৰে জনাজাত এই কাকতখনৰ নাম চুটি কৰি দ্য চাইনপ'ষ্ট কৰা হ'ল। স্ন'ৱে ফেব্ৰুৱাৰী ২০০৮ চনত তেওঁৰ নাম ৱিকিমিডিয়া ব'ৰ্ড অৱ ট্ৰাষ্টীজত যোগ হোৱালৈকে বৰঙনি আগবঢ়ায়।

দ্য চাইনপ'ষ্টত ৱিকিপিডিয়া, ৱিকিমিডিয়া ফাউণ্ডেচন আৰু অন্যান্য ৱিকিপিডিয়া সম্বন্ধীয় প্ৰকল্পৰ বিষয়ে লেখা প্ৰকাশ কৰা হয়। কাকতখন বিনামূলিয়াকৈ বিতৰণ কৰা হয়। পাঠকসকলে ই-মেইল যোগে বা ৱিকিপিডিয়া একাউণ্ট থাকিলে নিজৰ বাৰ্তা পৃ্ষ্ঠাৰ যোগে নতুন প্ৰকাশৰ জাননী লাভ কৰিব পাৰে। সাধাৰণতে এই কাকত প্ৰতি সপ্তাহত প্ৰকাশ কৰা হয়।

বিভিন্ন সময়ত দ্য নিউ য়ৰ্ক টাইমছ, ৱিকিপিডিয়া:দ্য মিচিং মেনুৱেল গ্ৰন্থ, ফৰ্চুন, দ্য ৰেজিষ্টাৰ আদিত দ্য চাইনপ'ষ্টক "মক্ড আপ নিউজপেপাৰ", "ইফ য়ু এক্সপেক্ট টু কণ্টিনিউ এডিটিং এট ৱিকিপিডিয়া ফৰ এনি লেংঠ অৱ টাইম, বাই অল মিন্স চাবস্ক্ৰাইব টু দ্য ৱিকিপিডিয়া চাইনপ'ষ্ট", "ৱিকিপিডিয়াজ ইন্সাইডাৰ নিউজপেপাৰ", "ৱিকিপডিয়াজ অউন প্লাকি নিউজলেটাৰ" আদি আখ্যা দিয়া হৈছে।