গহপুৰ

গহপুৰৰ পৌৰাণিক ইতিহাসৰ বিষয়ে বেছি তথ্য পোৱা নাযায়। এসময়ত উজনি অসমৰ উত্তৰ খোলৰ বিশ‌বনাথৰ লৈকে চুতীয়া সকলৰ শাসন আছিল বুলি জনা যায়।সেইবাবে ১৬ শতিকাৰ আগ ভাগৰ লৈকে গহপুৰ অঞ্চলটো চুতীয়া সকলৰ অধীনত আছিল বুলি ক'ব পাৰি। গহপুৰৰ পশ্চিমৰ অৰুণাচলৰ দাঁতি-কাষৰীয়া বুঢ়ৈ দূৰ্গ, নক্সা পৰ্বত, ইত্যাদি চুতীয়াৰ সৈনিক কোঠ আছিল বুলি জনা যায়। আদি-চৰিত আৰু বুৰঞ্জী সমূহত উল্লেখ থকাৰ মতে আহোম ৰজাই মধ্য অসমৰ ৰটা-টেমনিৰ বাৰ-ভূঞাসকলক উজনি লৈ আনি উত্তৰ কোলৰ বাৰখন সৰু প্ৰদেশ গঠন কৰি(যেনে কলাবাৰী, গহপুৰ, কলংপুৰ, নাৰায়ণপুৰ, ইত্যাদি) আহোমৰ হৈ ৰাজত্ব কৰিবলৈ দিছিল।‌

গহপুৰ 26°53′N 93°38′E / 26.88°N 93.63°E / 26.88; 93.63- অক্ষ্যাংশ আৰু দ্ৰাঘিমাংশত অৱস্থিত। গুৱাহাটী আৰু গহপুৰৰ মাজৰ দূৰত্ব পথেৰে ২৯৯ কিলোমিটাৰ আৰু ৰেলযোগে ২৬৬ কিলোমিটাৰ; আকাশী দূৰত্ব হৈছে ২০৮ কিমি। আনহাতে সমুদ্ৰ পৃষ্ঠৰ পৰা ৬৯ মিটাৰ (২২৬ ফুট)উচ্চতাত অৱস্থিত। নগৰখন ৫২ নং ৰাষ্ট্ৰীয় ঘাই পথৰ দ্বাৰা অৰুণাচল প্ৰদেশৰ ৰাজধানী ইটানগৰৰ লগত সংযোগ হৈ আছে। লগতে ব্ৰহ্মপুত্ৰ নদীৰ দ্বাৰা মাজুলী আৰু যোৰহাটৰ লগতো সংলগ্ন হৈ আছে।

উত্তৰে- অৰুণাচল প্ৰদেশ

দক্ষিণে- ব্ৰহ্মপুত্ৰ নদী

পূবে- লক্ষীমপুৰ জিলা

পশ্চিমে- বুৰৈ নদী

২০০১ চনৰ ভাৰতৰ জনগণনা অনুসৰি, গহপুৰৰ জনসংখ্যা ৯৪০৮। মুঠ জনসংখ্যাৰ ৫৩% পুৰুষ আৰু ৪৭% মহিলা। গহপুৰৰ শিক্ষিতৰ হাৰ হৈছে ৭২%, ৰাষ্ট্ৰীয় গড় ৫৯.৫% তকৈ অধিক; ইয়াৰে পুৰুষ ৭৭%, আৰু মহিলা ৬৬%। গহপুৰৰ জনসংখ্যাৰ ১৩% লোকৰ বয়স ৬ বছৰৰ তলৰ।।

গহপুৰ তেজপুৰ (লোকসভা সমষ্টি)ৰ অংশ। গহপুৰ বিধান সভা নিৰ্বাচনে উত্তৰ অসমৰ এটা বৃহৎ অঞ্চল হাৱাজানৰ পৰা বুৰৈলৈকে সামৰি লয়। গহপুৰ বিধানসভা সমষ্টিৰ বিধায়কসকলৰ নাম তলত উল্লেখ কৰা হ'ল -

• গহন চন্দ্ৰ গোস্বামী (১৯৫১) ভাৰতীয় জাতীয় কংগ্ৰেছ
• বিষ্ণুলাল উপাধ্যায় (১৯৫৭) ভাৰতীয় জাতীয় কংগ্ৰেছ
• বিষ্ণুলাল উপাধ্যায় (১৯৬২) ভাৰতীয় জাতীয় কংগ্ৰেছ
• বিষ্ণুলাল উপাধ্যায় (১৯৬৭) ভাৰতীয় জাতীয় কংগ্ৰেছ
• ৰামচন্দ্ৰ শৰ্মা (১৯৭৩) জনতা দল
• ৰামচন্দ্ৰ শৰ্মা (১৯৭৮) জনতা দল
• গণেশ কুটুম (১৯৮৫) অসম গণ পৰিষদ
• কোষেশ্বৰ বৰুৱা (১৯৯১) ভাৰতীয় জাতীয় কংগ্ৰেছ
• গণেশ কুটুম (১৯৯৬) অসম গণ পৰিষদ
• ৰিপুন বৰা (২০০১) ভাৰতীয় জাতীয় কংগ্ৰেছ
• ৰিপুন বৰা (২০০৬) ভাৰতীয় জাতীয় কংগ্ৰেছ
• মনিকা বৰা (২০১১) ভাৰতীয় জাতীয় কংগ্ৰেছ
• উৎপল বৰা (২০১৬) ভাৰতীয় জনতা পাৰ্টী

• ছয়দুৱাৰ মহাবিদ্যালয়
• কলাবাৰী মহাবিদ্যালয়
• ছয়দুৱাৰ শিক্ষণ মহাবিদ্যালয়

• শ্বহীদ মুকুন্দ কাকতি উচ্চ মাধ্যমিক বিদ্যালয় :১৯৬৪ চনত স্থাপন হোৱা এই বিদ্যালয়ে ২০১৬ চনত সোণালী জয়ন্তী বৰ্ষ পালন কৰিছে।

• শ্ৰীশ্ৰী মা কৈল্যাণী দেৱালয়
• শ্ৰীশ্ৰী ফুলবাৰী দেৱালয়(বৰকালিকা থান)
• ধন্দি দ'ল
• বাসুদেৱ দ'ল
• মা ফুলেশ্বৰী থান
• সূৰ্য্য মন্দিৰ
• শ্ৰীশ্ৰী কামদেৱাল সত্ৰ
• শ্ৰীশ্ৰী দক্ষিণপাট সত্ৰ
• বেলগুৰি সত্ৰ
• গোবিন্দ এলেঙী সত্ৰ
• সোণাৰীপাৰ সত্ৰ
• চুপহা সত্ৰ
• জাৰণিয়াল সত্ৰ
• খটৰা সত্ৰ
• গুৱাধৰা থান

এই সমূহৰ উপৰিও গহপুৰ মহকুমাত যথেষ্ট সংখ্যক দ'ল,দেৱালয়,সত্ৰ তথা ঐতিহাসিক স্মৃতি বিজড়িত স্থান আছে।

তথ্যচিত্ৰ- Gohpur-The Golden glory By AG CREATION (YouTube যোগে উপলব্ধ)