دجيمي ضونال دجيمبو وييلز (مزيود ف 7 غشت 1966) بيزنيسمان د لأنتيرنيت و مسؤول د لويب بريطاني ميريكاني.
وييلز واحد من لمؤسسين ديال لمشروع اللاربحي ويكيپيديا، و لمشروح الربحي فاندوم Fandom (سميتو لقديمة "ويكيا" Wikia). خدم ف پروجيات خرين بحال بوميس، نوپيديا، ويكي تريبيون، و ويكي تريبيون لإجتماعية.
وييلز هوّ رئيس مجلس لؤمانا Board of Trustees ديال مؤسسة ويكيميديا، لي هيّ مونضامة خيرية ساهم ف التأسيس ديالها باش ترعى ويكيپيديا و مشاريع خرين ديال ويكيميديا. ف 2006، كان ف الليستة د أكتر 100 واحد عندهوم تأتير ف لعالم.
تولد دجيمي وييلز ف هانتسڤيل، ف ولاية ألاباما. بّاه كان مول حانوت، و مّو و جداتو كانو كيسيّرو مدراسة خاصة لي نيت دجيمي و خوتو التلاتة بداو قرايتهوم فيها. ملي كان دري صغير، دجيمي كان كيعجبو يقرا بزاف. ملي كان ف عمرو 3 سنين، شرات مّو موسوعة وورلد بوك إنسايكلوپيديا من عند بياع و شراي متجول. و هوّ كيكبر ولا كيحماق على هاد لموسوعة، مي معا لوقت بدا كيلاحض النواقص فيها، متلاً بلي وخا فيها بزاف د لمعلومات، كاينين ديما معلومات و مواضيع ماكاتكوڤريهومش. وورلد بوك كانت كاتعطي وريقات د التلصاق (ستيكرز) لي لواحد يقدر يلصقهوم ف شي صفحة و يزيد ؤلا يصحح معلومات، و دجيمي هادشي نيت لي كان كيدير، بحال يلا نوعنما كيراجع لموسوعة (كيما دابا ف ويكيپيديا).
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article دجيمي وييلز, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.