जिमी वेल्स

जिमी वेल्सको जन्म ७ अगस्ट १९६६ मी हन्ट्सभिल्ली, अलाबामामी भया थ्यो । उनका बुबा जिमी किराना भण्डार पसलमी म्यानेजर थ्या रे उनरि इज्या डोरिस रे हजुराआमा एर्मा एक सानो यक कक्षा-कोठा प्रणालीको निजी विद्यालय, बाल सिकाई गृह संचालन अर्दथे, येइ विद्यालयमी नै जिमी वेल्स रे उनका दाजुभाइ तथा दिदिबहिनीअनले प्रारम्भिक शिक्षा हासिल अरिराइथ्यो । येइ विद्यालयमी कक्षा ८ सम्म अध्ययन अरेपछा वेल्स हन्ट्सभिल्लीमी अवस्थित यक प्रारम्भिक-विश्वविद्यालय: र्यान्डोल्फ विद्यालयमी भर्ना भया रे सोह्र वर्षको उमेरमी स्नातक अरे ।

जिमी वेल्सले दुई फेर ब्या रे पारपाचुके अरिसक्या छन् । उनले २० वर्षका उमेरमी अलाबामामी एउटा किराना स्टोरमी सहायकका रूपमी कार्यरत पामसित ब्या गर्या । उनले उनकी दोस्री श्रीमती क्रिस्टिन रोहनलाई यक साथीको माध्यमबठेइ सिकागोमी भेट्या थ्या, जति बेला उनी मित्सुबित्सीकी लेखा स्टील ब्यापारीको रूपमी कार्यरत थिइन् । उनीअनले फ्लोरिडाको मुनरो प्रदेसमी मार्च १९९७ मी ब्या अरे रे पारपाचुके अद्दु पूर्व क्रिस्टिनले एउटा छोरीलाई जन्म दिइन् । वेल्स १९९८ मी सान डिएगोमी बसाई सरे रे एउटा आवासिय बजारले त्यहाँबठेइ हटायापछा फ्लोरिडाको सेन्ट पिटर्सबर्गमी नै पुनर्स्थापित भया, जहाँ उनी २००७ सम्म बसे ।