لحد

يلا مشينا معا تّيفاقية د إيزو 1086 لي كاتضبط تّواصل ؤ لمعلومات لمتعلقة ب زّمان ؤ لعبار ديالو، لحد كيتّعتابر هوّا نّهار سّابع ؤ لّخراني ف سّيمانة. بعض لكالوندريات كيديرو لحد هوّا نّهار لّول، ؤ حتا عند لعرب لقدام، كانت سّيمانة كاتبدا ف لحد. منّها جاو سّميات ديال جميع نّهارات من غير جّمعة على حساب تّرتيب ديالهوم ف سّيمانة.

ف بعض لّوغات لؤروپية ؤ حتا ف جّاپونية، سّمية د لحد جات من سّمية ديال "شّمش". منها Sunday ب نّڭليزية، ؤ Sonntag ف لألمانية ؤ 日曜日 ف جّاپونية. ف لّوغات لّاتينية بحال لفرانساوية، طّاليانية، سپنيولية، لبرطقيزية ؤ رّومانية، سّمية د لحد جات من لعيبارة لّاتينية dies Dominica ليوم د رّب.