Rambynas (Litaus: Rambynas of Rambyno kalnas, Duits ook Rombinus) is 'n heuwel op 'n hoogte van sowat 46 meter wat in 'n rivierkronkel van die Nemunas in die vroeëre streek Memelland (Wes-Litaue) naby die grens met die Russiese Kaliningrad-oblast geleë is.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die heuwel maak deel uit van die Gewestelike Rambynas-park. Nabygeleë nedersettings sluit Pagėgiai en Tauragė in Litaue en Neman en Sovetsk in die Russiese eksklawe Kaliningrad-oblast in.
Die heuwel word deur die Nemunas-rivier onderspoel. In 2003 is 'n bewaringsprojek aangepak om verdere erosie te verhoed.
Die heuwel word algemeen as die heilige berg van die Skalwiërs en Litauers beskou en het reeds voor die tyd van die Duitse Orde as heiligdom gedien. Nog in die 18de eeu het Rooms-Katolieke Litauers pelgrimstogte na die heuwel onderneem om die ou gode se seën te verkry. Voordat die heuwel in die vroeë 19de eeu deur die Nemunas onderspoel is, was daar 'n ou altaar op die heuwelpiek.
Die heuwel speel 'n sentrale rol in Johannes Bobrowski se verhaal Litauische Claviere wat die kulturele ontwaking van Pruisiese Litauers in die laat 19de eeu behandel.
Rambynas het sy gewildheid in die 20ste eeu onder meer aan die digter Vydūnas te danke wat hier koorkonserte georganiseer het. Die heuwel is vandag steeds 'n misties-heidense plek waar tydens die Litause Midsomerfees Joninės op 24 Junie feesvierings plaasvind.
This article uses material from the Wikipedia Afrikaans article Rambynas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.