Die Mae West-lippesofa is 'n Surrealistiese beeldhouwerk wat in 1972 deur Salvador Dalí in die vorm van 'n sofa geskep is.
Die ligrooi sitplekke van die meubelstuk bestaan uit poli-uretaanspons, wat bedek is met 'n rooi polidurlaag. Die grootte van die sofa is 110 x 183 x 81,5 cm (34 x 72 x 32 dm). Dalί was so gefassineer deur die lippe van die aktrise Mae West dat hy dit as inspirasie vir die vorm van die sofa gebruik het. Dit was nie Dalí se bedoeling dat die sofa funksioneel gebruik sou word nie. Hy beweer ook dat hy die ontwerp van die sofa deels gebaseer het op 'n hoop rotse naby Cadaqués en Portlligat, waar hy en sy vrou, Gala Éluard Dalí, jare lank gebly het. Die sofa is in 1973 deur Bocaccio Design (ook bekend as BD Barcelona Design) vervaardig.
Edward James, 'n ryk Britse beskermheer van die Surrealiste in die dertigerjare, het oorspronklik die opdrag vir die beeldhouwerk aan Dalí gegee. Die sofa vorm nou deel van die kunsversamelings in die Museum Boijmans Van Beuningen in Rotterdam. 'n Ander weergawe is in die Dalí-teater en museum in Figueres, Katalonië, Spanje, te sien. 'n Weergawe is ook in die besit van die Victoria en Albert Museum, nadat 'n ander weergawe tydens die 2007-uitstalling Surreal Things: Surrealism and Design, uitgestal is. Nog 'n weergawe word by die Brighton Museum uitgestal.
Hierdie sofa word tans deur BD Barcelona Design vervaardig en bemark onder die handelsmerk "dalilips". Dit word gemaak van rotovormige plastiek. dalilips Geargiveer 15 Oktober 2019 op Wayback Machine
This article uses material from the Wikipedia Afrikaans article Mae West-lippesofa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.