Hardrock
Hardrock is 'n musiekstroming wat uit rock voortgevloei het en gewoonlik deur 'n hardklinkende verwronge (distorted) elektriese kitaar gekenmerk word.
Die tempo in die musiek is gewoonlik hoog; die sang-, kitaar- en sintetiseerderdele wissel mekaar af en vul mekaar aan. Net soos in jazz is 'n pakkende rif belangrik om as kapstok vir die snit te fungeer. Die fondament in hardrockliedjies word deur die hoofkitaar met sogenaamde kragakkoorde (powerchords) gelê.
'n Verdere kenmerk is die oorheersende luide sangwerk, waarin geforseerde uitinge nie spaarsamig is nie. Bekende orkeste wat hierdie soort musiek produseer is AC/DC, Deep Purple, Guns N' Roses, KISS, Led Zeppelin, UFO, Metallica, Uriah Heep en Van Halen.
Daar moet opgemerk word dat diverse style in rockmusiek 'n sterk verwantskap toon. Die musiek van 'n groep soos The Who bevat sowel rock- as hardrockelemente. Die grens tussen hardrock en metal is soms moeilik onderskeibaar.
This article uses material from the Wikipedia Afrikaans article Hardrock, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.