航行者1號

 

航行者1號喺1977年9月5號喺佛羅里達州Cape Canaveral（英文：Cape Canaveral, Florida）嘅Cape Canaveral Space Launch Complex 41（英文：Cape Canaveral Space Launch Complex 41）由泰坦3號E運載火箭（中文：泰坦3號E運載火箭）發射。雖然佢比航行者2號遲兩星期發射，但因為用咗較短嘅軌道令佢比航行者2號更快去到木星同土星。

航行者1號喺1979年1月開始影木星，並喺1979年3月5號最近木星，離木星中心大約349,000公里。由於越近木星啲相解像度就越高，所以大部分對木星同佢附近嘅嘢都係喺最近木星嗰48個鐘來進行觀察。1979年4月，航行者1號完成咗對木星系統嘅觀察。佢喺木衛一上面發現咗一啲火山活動，係人類第一次喺太陽系另一個天體上面睇倒活火山。

從航行者1號上睇倒嘅大紅斑    木星大氣層嘅詳細偽彩色相    木衛一上嘅活火山Ra Patera嘅熔岩流    洛基火山嘅噴發羽流喺木衛一嘅邊緣升起

木衞二    木衛三    木衞四嘅瓦爾哈拉撞擊坑

維基同享中有關the Voyager 1 Jupiter encounter嘅同享資源

隨後，航行者1號利用木星重力助推前往土星。佢喺1980年11月12號最近土星，離土星雲頂124,000公里。航行者1號探測咗土星環入面嘅複雜結構，研究咗土星同土衛六嘅大氣。航行者1號發現土星上層大氣入面有7%係氦氣，而其他幾乎都係氫。

之後，航行者1號飛向土星最大嘅衛星土衛六，嗰陣啲人已經知佢有大氣層，先鋒11號喺1979年影嘅相睇到土衛六嘅大氣係豐富又複雜嘅，噉增加咗啲人嘅興趣。航行者1號喺飛越土星系統嗰陣飛越土衛六，並接近到6,400公里入面。佢探測咗土衛六嘅大氣成份、密度同壓力。仲測量咗泰坦嘅質量。濃霧令航行者1號無法對泰坦嘅地表進行目視觀察，但對大氣成份、密度同壓力嘅觀察令啲人推測泰坦表面可能有液態碳氫化合物湖。

因為觀測土衛六被認為係好重要，所以為航行者1號調校嘅軌道係畀佢最好噉飛越土衛六，因為靠近土衛六，令航行者1號飛過土星下方並離開咗黃道，結束咗佢嘅行星科學任務。如果航行者1號失敗或去唔倒土衛六，航行者2號嘅軌道就會被改成飛倒土衛六^:94並停止訪問天王星同海王星。航行者1號發射嘅軌道唔畀佢去天王星或海王星^:155，但可能可以改成由土星去冥王星，並喺1986年抵達。

距離土星約5百萬公里嘅相，喺最接近土星後四天拍攝

土衛六嘅大氣層分佈偽彩色相    土衛六上大氣層分佈    旅行者1號影嘅土星環入面嘅F環

維基同享中有關the Voyager 1 Saturn encounter嘅同享資源

星際探索

 

1990年2月14號，航行者1號影咗第一張由太陽系外部影嘅太陽系「全家福」。無耐，佢嘅攝像頭被停用來節省其他設備嘅能源同電腦資源。

1998年2月17號，航行者1號去到離太陽69天文單位嘅地方，並超過先鋒10號成為離地球最遠嘅航天器。佢以大約17公里/秒嘅速度離開太陽系。

約翰霍普金斯大學嘅科學家認為航行者1號喺2003年2月入咗終端震波，但有其他科學家表示懷疑，並喺2003年11月6號嘅《自然》雜誌上面討論。

2005年5月，NASA一份新聞稿話航行者1號入咗日鞘，估計係喺2004年12月15號入嘅，離太陽94天文單位。

• 航行者計劃
• 航行者2號