布查大屠殺

俄羅斯入侵烏克蘭
相片顯示，俄羅斯軍隊屠殺布查平民。
地點	烏克蘭布查（英文：Bucha, Kyiv Oblast）
座標	50°32′55″N 30°13′15″E / 50.54861°N 30.22083°E / 50.54861; 30.22083
日期	2022年3月
襲擊目標	平民
死亡數	400+
主腦	俄羅斯聯邦軍隊

國際社會嚴厲譴責俄羅斯發動布查大屠殺嘅戰爭罪暴行，烏克蘭總統澤連斯基更係話布查大屠殺係一場有策劃同組織性嘅種族滅絕。不過俄羅斯當局否認有任何不當行為，又將屍體嘅鏡頭同相片描述係烏克蘭當局嘅挑釁或者表演。

俄羅斯進攻期間

根據基輔獨立報（中文：基輔獨立報）報導，3月4號，俄羅斯軍隊殺死咗3名手無寸鐵嘅烏克蘭平民，據報佢哋係送完食物由狗收容所返嚟。3月5號 大約朝早7點15分左右，俄羅斯士兵發現兩架載住兩個試圖逃走家庭嘅汽車轉去 Chkalova Street。俄羅斯軍隊向汽車開火，打死咗第二架車上面嘅一位男士。而前車就畀一陣機關槍掃射，當場殺死咗兩個細路同佢哋嘅媽媽。

俄羅斯撤軍後

 

 

俄羅斯撤軍後出現嘅影片段喺2022年4月1號發佈到社交媒體，顯示大量平民傷亡。根據布查市長Anatoliy Fedoruk（英文：Anatoliy Fedoruk）嘅講法，「幾百名俄羅斯士兵」亦發現喺嗰個地區嘅屍體堆入面。隨後，出現咗進一步證據，證據顯示似乎表明俄羅斯軍隊喺佔領布查地區時犯咗戰爭罪行。烏克蘭士兵領土國防軍（中文：烏克蘭國土防禦部隊）表示，佢哋喺布查附近嘅Zabuchchya地區一個夏令營地下室發現咗18具被肢解嘅男女老少屍體。烏克蘭軍隊發佈影片顯示，地下室入面有一個酷刑室。其中一位士兵表示，有啲屍體隻耳畀人割走咗或者牙齒畀人拔走咗，而且屍體喺接受採訪前一日被移走。其他被殺嘅平民屍體留咗喺路上面。自由歐洲電台／自由電台（中文：自由歐洲電台／自由電台）調查證實，地下室畀俄羅斯軍隊用嚟做「行刑室」。

《基輔獨立報》發表嘅一份報告仲包括咗一張相同資料，內容表示一名男士同兩三名赤身裸體嘅女士包住張毯，俄羅斯士兵喺逃跑前試圖喺路邊燒咗佢哋嘅屍體。烏克蘭官員表示，呢啲女士畀人強姦，屍體被燒毀；為《基輔獨立報》撰稿嘅記者仲認為，照片表明俄羅斯軍隊有組織咁揀出並殺害烏克蘭平民，好多屍體被發現時雙手被反綁喺背後。

好多受害者似乎一直進行緊佢哋嘅日常生活，攞住購物袋。畫面顯示平民被綁雙手死亡。其他鏡頭顯示一個死人屍體喺一架單車側邊。入城嘅記者喺過程入面亦發現咗十幾具便衣人士嘅屍體。CNN、BBC同AFP發佈咗布査街道同院子入面大量平民屍體嘅記錄片，其中一啲人嘅胳膊或者腿被綁住。BBC 新聞表示街上面嘅20具屍體，一部分屍體喺寺廟入面被槍殺，一部分屍體畀坦克碾過。4月2號，一位法新社記者表示，佢睇到至少20具男性平民屍體躺喺布查嘅街道上，其中兩具雙手被綁住。Fedoruk表示，呢啲人係畀人由後腦槍殺。

4月5號，美聯社記者喺布查一個遊樂場附近嘅一條住宅區街道上睇到燒焦嘅屍體，其中一具頭骨上有彈窿，仲有一具燒焦嘅細路屍體。

居民見證

居民同相關地方市長表示，遇難者係畀俄羅斯軍隊殺害。佢哋亦表示，好多倖存者一直哩喺地下室躲避俄羅斯人，唔敢出嚟。部分倖存者甚至幾星期無接觸過燈光同電，只能用蠟燭加熱水同煮嘢食。佢哋確保俄羅斯軍隊走咗之後先敢出嚟，歡迎烏克蘭軍隊。

衛報引述目擊者表示，俄羅斯軍隊將烏克蘭細路放喺佢哋行走緊嘅車上面，將佢哋用嚟做人用盾牌。

《經濟學人》報導咗一個大規模處決倖存者嘅故事。一名男子喺被俄軍炮火襲擊時被困喺一個檢查站，隨後畀俄羅斯士兵同佢喺檢查站避難嘅建築工人俘虜。俄軍將佢哋轉移到附近一座用作俄軍基地嘅建築物，對佢哋進行除衫搜身，毆打同折磨佢哋，然後將佢哋帶到建築物一邊開槍打死佢哋。嗰名男士側面中彈，但係佢扮死，之後逃跑到附近嘅家庭而倖免於難。

喺俄羅斯軍隊撤退後，當地居民同人權觀察 (HRW) 交談，描述咗佔領期間布查市人民嘅待遇：俄羅斯士兵逐家逐戶地詢問平民、破壞市民嘅財產、以及搶劫居民嘅衫去畀自己着。人權觀察獲悉，平民喺離開屋企去攞食物同水時遭到搶射，俄羅斯軍隊命令佢哋返去屋企，就算當地基礎設施受到破壞，缺乏水同暖氣等基本必需品。俄羅斯武裝車輛任意向布查市建築物開火。俄羅斯軍隊拒絕向受傷平民提供醫療援助。俄軍又為當地受害者挖哇一個萬人坑，軍隊進行法外處決。人權觀察發言人表示，佢哋記錄咗至少一個「明確無誤嘅案例」，即係俄羅斯士兵喺3月4號即場處決。

根據一位喺國土防衛部隊布查總部嘅基輔居民，俄羅斯士兵檢查文件並殺死參加過烏克蘭頓巴斯地區戰爭（中文：頓巴斯戰爭）嘅人士。佢亦表示，俄羅斯軍隊殺害擁有右翼團體相關紋身人士，以及擁有烏克蘭符號紋身人士。根據佢嘅講法，喺佔領嘅最後一星期，卡德羅夫軍（中文：卡德羅夫軍）車臣戰士向佢哋見到嘅每一位平民開槍。另一位居民表示，俄羅斯士兵喺將平民帶走或者開槍前檢查平民嘅手機，以尋找相關平民有無反俄活動證據。

一位目擊者向自由歐洲電台／自由電台（中文：自由歐洲電台／自由電台）表示，俄羅斯軍人「喺度有系統咁殺緊人。我個人聽到一名狙擊手吹噓佢自己殺咗佢喺公寓窗戶睇到嘅兩個人……但係無咁嘅必要。無軍事理由殺人。簡直係喺度折磨平民。喺其他街區，有人真係受到折磨。 當受害者被發現時雙手被反綁喺背後，後腦勺中彈。」當地人聲稱殺戮係蓄意嘅，好多人報告話，喺某種情況之下，狙擊手會無緣無故咁槍殺無辜平民。

烏克蘭人權專員Lyudmyla Denisova（英文：Lyudmyla Denisova）表示，俄羅斯士兵針對平民嘅性暴力（中文：戰爭時期的性暴力）武器化係佢所講嘅「對烏克蘭人民種族滅絕」嘅一部分。根據 Lyudmyla Denisova，截至2022年4月6號，一條專門嘅電話求助熱線已經收到至少25宗嚟自布查嘅強姦女士同女仔嘅報告，年齡介乎14至24歲之間。

衛星分析

出面影片嘅拎

[https://vp.nyt.com/video/2022/04/04/99814_1_4vid-bucha_wg_1080p.mp4 《紐約時報》發表嘅衛星圖像分析

4月4號，Maxar Technologies（英文：Maxar Technologies）向《紐約時報》提供衛星圖像。《泰晤士報》將圖像同影片證據進行咗比較，得出嘅結論係：「好多平民喺3星期多前被殺，當時俄羅斯軍隊控制咗嗰個城鎮。」Yablonska Street 嘅圖像顯示，喺3月9號至11號期間出現咗至少11個「同人體大細相似嘅黑色物體」。發現到黑色物體嘅位置同4 月1號烏克蘭軍隊收復布查市後當地議會成員拍攝屍體嘅位置精確符合。第二段影片顯示喺相同街道上面，有3具屍體喺單車同廢棄汽車附近，根據衛星圖像，呢啲屍體喺3月20號至21號期間出現。《泰晤士報》得出嘅結論係，經過分析反駁咗俄羅斯聲稱俄羅斯軍隊撤軍後先發生殺害平民嘅講法。BBC 新聞認同Maxar3月19號嘅衛星圖像顯示，身體形狀物體位置同4月1號影片拍攝嘅屍體相同，同俄羅斯聲稱呢啲屍體係喺俄羅斯離開之後先「上演」嘅講法互相矛盾。

衛星圖像還亦顯示咗3月10號，俄羅斯喺布查一座教堂挖掘巨型坑嘅初步跡象，去到3月31號時，嗰個巨坑進一步擴大為「教堂附近地區西南段大約45英尺長嘅溝渠」。

  烏克蘭

烏克蘭國家警察（英文：National Police of Ukraine）對布查事件展開調查，將大片區域視為案發現場（英文：crime scene）。同時，烏克蘭外交部要求烏克蘭國際刑事法院調查（英文：International Criminal Court investigation in Ukraine）派調查員去布查同基輔州其他地區。外交部長Dmytro Kuleba（英文：Dmytro Kuleba）亦呼籲其他國際組織收集證據。

  俄羅斯

俄羅斯要求召開聯合國安理會特別會議，佢係5個常任理事國之一，以解決俄羅斯所謂嘅「對烏克蘭激進分子令人髮指嘅挑釁」，佢哋聲稱布查屍體嘅錄影片段係扮演出嚟。俄羅斯聯邦偵查委員會（中文：俄羅斯聯邦偵查委員會）負責人Alexander Bastrykin（英文：Alexander Bastrykin）下令對佢所謂嘅「烏克蘭挑釁」進行調查，指責烏克蘭當局散佈有關俄羅斯武裝部隊行動嘅「故意虛假信息」。

  英國

時任聯合國安理會輪任主席國英國拒絕俄羅斯召開會議討論布查嘅要求。

烏克蘭

烏克蘭總統澤連斯基認為德國前總理默克爾喺2008年嗰陣唔畀烏克蘭加入北約，先至搞到依家有布查大屠殺發生。

外交部長Dmytro Kuleba（英文：Dmytro Kuleba）將屠殺事件描述為「蓄意屠殺」。佢話俄羅斯仲衰過伊斯蘭國，俄羅斯軍隊犯有謀殺、酷刑、強姦同搶劫罪。Dmytro Kuleba（英文：Dmytro Kuleba）亦敦促七國集團國家實施「毀滅性」嘅額外制裁。

基輔市長（英文：Mayor of Kyiv）Vitali Klitschko（英文：Vitali Klitschko）喺接受「圖片報（英文：Bold）」採訪時表示，「喺布查同基輔其他郊區發生嘅事情只能被描述為種族滅絕」，又指控俄羅斯總統普京犯咗戰爭罪行。澤連斯基總統喺 2022年4月4號訪問咗大屠殺相關地區，向記者同全世界展示布查發生嘅暴行。

澤連斯基喺4月5號對聯合國安理會發表講話時表示，「大屠殺好遺憾係過去41日佔領者喺我哋領土上所做嘅事情嘅一個例子，俄羅斯軍隊為咗「發洩」而使用坦克碾壓汽車入面嘅烏克蘭平民。佢呼籲俄羅斯對佢哋軍隊嘅行為負責任，失去佢哋喺聯合會安理會嘅地位。

國際組織

 

歐盟理事會主席Charles Michel（英文：Charles Michel）對大屠殺事件譴責，佢話「對俄羅斯軍隊喺基輔犯下嘅令人難以忘懷暴行畫面感到震驚」，又承諾歐盟將會協助烏克蘭同人權組織收集畀國際法庭使用嘅證據。北約秘書長Jens Stoltenberg（英文：Jens Stoltenberg）同樣表達佢對俄羅斯針對平民大屠殺嘅恐懼。

聯合國秘書長古特雷斯對嗰啲圖像表示震驚，並呼籲進行獨立調查，以確保有效問責。聯合國安理會喺4月5號召開會議討論局勢，包括澤連斯基總統嘅視頻講話。4月7號，美國喺聯合國大會緊急特別會議（英文：Eleventh emergency special session of the United Nations General Assembly）入面發起決議，停止俄羅斯加入聯合國嘅主要人權機構-聯合國人權理事會。嗰個決議獲得通過，93 個國家對提案投咗贊成票，24個國家投咗反對票，58 個國家投咗棄權票。俄羅斯係繼2011年利比亞之後，第二個喺聯合國安理會被撤銷成員權利嘅國家，亦係唯一一個被撤銷權利嘅安理會常任理事國。

7國集團嘅外交部長發表聯合聲明，譴責俄羅斯喺布查同烏克蘭其他地區犯下嘅「暴行」。

歐盟委員會主席Ursula von der Leyen（英文：Ursula von der Leyen）喺4月8號到訪布查，睇到萬人坑，佢將大屠殺描述為「普京軍隊嘅殘酷面孔」。 Von der Leyen 隨後訪問基輔並會見澤連斯基總統，向澤連斯基提交開始烏克蘭申請加入歐洲聯盟（中文：烏克蘭申請加入歐洲聯盟）程序文件，並提出加快烏克蘭申請進程。

其他國家

鄰國同鄰近嘅歐洲國家領導人都譴責呢次襲擊，並呼籲對所犯嘅暴行進行調查。愛沙尼亞總理Kaja Kallas（英文：Kaja Kallas）將呢次事件嘅相同 蘇聯以及納粹德國嘅大規模殺戮進行咗比較，並呼籲收集細節並將肇事者繩之以法，而斯洛伐克總理Eduard Heger（英文：Eduard Heger）就將呢次大屠殺同「前南斯拉夫戰爭嘅啟示（英文：Yugoslav Wars）」相提並論。摩爾多瓦總統Maia Sandu（英文：Maia Sandu）將呢件事件描述為「違反人性罪」，並宣佈2022年4月4 號係全國哀悼日，以紀念喺俄烏戰爭中喪生嘅所有烏克蘭人。喺烏克蘭同俄羅斯嘅其他鄰國入面，芬蘭、立陶宛、波蘭同土耳其嘅政治領導人亦對呢件事件表達咗譴責。

呢次大屠殺事件促成咗好多歐盟成員，包括丹麥、愛沙尼亞、法國、德國、意大利、拉脫維亞、立陶宛、葡萄牙、羅馬尼亞、斯洛文尼亞、西班牙同瑞典下令將總共200多名俄羅斯外交官驅逐出佢哋嘅國家。非歐盟國家，日本亦同樣頒佈同樣嘅驅逐令。

中國同印度喺聯合國安理會嘅代表亦表示呢啲報導「令人深感不安」，並表示支持國際調查嘅呼籲。喺中國，中國外交部嘅新聞發佈會入面亦回應咗呢種反應，即使事件嘅責任無直接歸咎喺任何相關涉及者。喺呢種拒絕歸咎喺任何相關涉及者指責之後，中國官方媒體ー再重複俄羅斯聲稱對事件嘅真實性提出質疑。

美國總統拜登呼籲以戰爭罪行審判普京。拜登亦表示，佢支持對俄羅斯實施額外制裁。英國首相約翰遜亦有類似嘅睇法，佢表示會因此加強經濟制裁同對烏克蘭嘅軍事支持。

法國總統馬克龍將俄羅斯軍隊嘅行為描述為構成戰爭罪，因此需要從新制定製裁措施作為回應。馬克龍建議瞄準俄羅斯嘅石油同煤炭行業。隨後，歐盟宣佈對俄羅斯實施額外制裁，包括禁止由俄羅斯進口煤炭、木材、橡膠、水泥、化肥等產品。煤炭進口禁令預計每年令到俄羅斯損失80億歐元。額外嘅制裁仲包括禁止由歐洲出口高科技設備同技術去俄羅斯。喺宣佈制裁時，Josep Borrell（英文：Josep Borrell）表示，制裁係「喺俄羅斯武裝部隊喺布查犯下嘅暴行之後」通過。

喺2022年4月12號同普京會面時，白俄羅斯總統同普京盟友盧卡申科表示布查大屠殺係英國政府為對俄羅斯實施新制裁而精心策劃嘅虛假旗幟襲擊同「心理行動」，據稱係向普京提供同呢啲指控相關嘅文件。

關於「危機參與者」嘅虛假聲明

有影片關於一名後生女士同一名後生男士臉上塗有假血嘅影片喺多個平台上獲得幾百萬嘅點擊量。佢被認為烏克蘭戰爭係一場騙局嘅假設證據，平民受害者實際上係「危機演員」，請返嚟表演襲擊場景人士。但係呢段影片並同戰爭無關。佢係2020年喺烏克蘭電視劇《污染》嘅製作場景入面拍攝。

移動嘅屍體

一個新聞記者企喺多個屍體袋前嘅片段喺幾個主要社交網絡上面瘋傳，畀親俄嘅賬戶廣泛傳播。片段過咗幾秒鐘後，其中一個屍體袋開始移動，一名男子攞走個袋並由一名攝影師睇住。社交媒體帖子聲稱嗰段影片係喺烏克蘭拍攝，並證明呢場戰爭係一場騙局或者係製造成「西方國家嘅宣傳物」。不過根據奧地利報紙 Osterreich 報導，呢段影片嚟自2月初喺維也納舉行嘅氣候變化抗議活動。由「Friday for Future」氣候活動家組織，對屍體袋嘅描繪係要突出碳排放對人類生命嘅危險。3月，陰謀集團亦分享咗同一段影片，錯誤咁聲稱佢展示緊一個Covid「危機演員」。

假木槍聲稱

福克斯新聞廣播截圖顯示，兩名烏克蘭男子手持疑似係木槍嘅嘢喺網上瘋傳。佢成日伴隨住虛假聲稱表示烏克蘭戰爭係一場騙局，而佢哋唔係使用真槍嘅事實就係證明。呢段片係極右翼亞速營為烏克蘭哈爾科夫市嘅平民義工提供嘅培訓課程期間拍攝，呢啲義工願意喺俄羅斯入侵嘅情況下保衛自己同佢哋嘅社區。

截至2022年4月6號 (2022-4月-06)^[update]，作為對大屠殺報告嘅回應，多個歐盟成員國，包括丹麥、愛沙尼亞、法國、德國、意大利、拉脫維亞、立陶宛、葡萄牙、羅馬尼亞、斯洛文尼亞、西班牙同瑞典下令將總共200多名俄羅斯外交官驅逐出佢哋國家。

2022年4月7號，聯合國大會通過咗ES-11/3 號決議（中文：聯合國大會第ES-11/3號決議），暫停俄羅斯加入聯合國人權理事會（中文：聯合國人權理事會），攞到三分之二多數（93比24）贊成，唔包括58票棄權。俄羅斯代表團喺投票後立即宣佈退出理事會，表示理事會為一啲國家嘅短期利益壟斷。

• 俄羅斯入侵烏克蘭
• 戰爭罪行