張員瑛

張員瑛2004年8月31號響首爾市龍山區二村洞出世，家姐係演員張多雅。未出道前係STARSHIP娛樂旗下練習生，2018年以13歲之齡代表公司參加選秀節目《PRODUCE 48》，最終以第一名嬴出，並且以限定女團IZ*ONE嘅centre（中心）、副唱、副Rapper同忙內出道。2021年4月IZ*ONE正式解散，張員瑛返去STARSHIP娛樂做練習生，同時擔任節目《Music Bank》主持人，期間中過武漢肺炎，好返之後無幾耐就響11月以STARSHIP娛樂旗下女團IVE成員身份再出道，隊內擔當都係centre。

2023年，張員瑛正式由首爾公演藝術高等學校畢業。

張員瑛原先響PRODUCE 48官網上嘅英文名係用普通話拼音嘅「CHANG YUAN YING」，響引起廣泛討論之後，官網將佢嘅英文名由普通話拼音改為韓文羅馬拼音嘅「Jang Won Young」。因此有網民懷疑張員瑛其實係韓國華僑，後嚟甚至有韓國網民爆出張員瑛祖籍山東，唔單止有中國血統，甚至仲讀過華僑學校，當中國網民得知後就改佢花名「英子」嚟嘲笑佢。官方並冇發出任何聲明澄清。

響IZ*ONE官網未幫張員瑛正名（公佈佢嘅官方中文名）前，張員瑛成日畀華語圈網民譯為「張元英」、「張圓英」。