石油(粵拼:sek6 jau4)係一啲好杰,深啡或深綠色液體。佢響地殼上層。主要成分係碳氫化合物,大部份係烷,不過成份同樣都可以度度唔同。石油大部份都用來整燃油同汽油。除此之外,重可以用來整溶液、肥料、殺蟲水,同塑膠。八成八都係做燃料,淨低都用來整其他嘢。石油唔係可再生能源,咁好多人驚有日會用盡。世界石油有相當嘅需求,所以畀人叫做「黑金」。未經提煉嘅石油又叫原油。
中東地區波斯灣一帶嘅沙特阿拉伯、伊拉克、伊朗、科威特、阿聯酋、卡塔爾有豐富嘅石油儲藏,而係俄羅斯、委內瑞拉、加拿大、利比亞、尼日利亞、美國、墨西哥、哈薩克、中國、太平島等地方都有大量儲藏。委內瑞拉有世界最高嘅石油儲量。
石油嘅常用單位「桶」係一個容量單位,即係42美制加侖(160升)。因為各地出產嘅石油密度唔係一樣嘅,所以一桶石油嘅重量亦都唔係全部一樣。一般來講,一噸石油大概有7.3桶(1,160升)。
This article uses material from the Wikipedia 粵語 article 石油, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.