伽利略衛星

發現

伽利略改進咗佢嘅望遠鏡，令佢嘅望遠鏡可以放大20倍，令伽利略可以更加清楚噉觀察天體。喺1609年12月到1610年1月期間，伽利略觀察緊木星，並發現咗伽利略衛星。

1610年1月7號，伽利略喺一封信入面第一次講到木星嘅衛星，當時佢只係睇倒三粒衛星，佢覺得佢哋係木星附近嘅恆星。喺1610年1月8號到1610年3月2號，佢繼續觀察呢啲天體，唔單只發現咗第四粒天體，仲發現佢哋唔係恆星，而係圍住木星轉嘅衛星。

伽利略嘅發現證明望遠鏡好重要，佢可以用來發現唔夠光嘅天體。佢嘅發現更加證明咗地心說係錯嘅，唔係得地球有衛星，其他行星都有，之後，伽利略接受咗日心說。

中國天文學家席澤宗話喺公元前362年，周朝諸侯國齊國天文學家甘德發現咗木衛三，比伽利略早近廿個世紀。

命名

伽利略最初將佢嘅發現稱為「 Cosmica Sidera 」，以紀念Cosimo II de' Medici（英文：Cosimo II de' Medici, Grand Duke of Tuscany）。喺Cosimo嘅建議下，伽利略將名稱改為「 Medicea Sidera 」，以紀念美第奇四兄弟。呢個發現喺1610年3月喺威尼斯出版嘅 Sidereus Nuncius 宣布，距離首次觀測唔到兩個月。

喺伽利略發現伽利略衛星之後冇耐，Simon Marius喺開普勒嘅建議下以宙斯神嘅戀人個名命名佢哋：埃歐、歐羅巴、加尼美德同卡利斯托，記喺佢嘅 Mundus Jovialis 入面，喺1614年出版。

伽利略堅決拒絕用Marius個名，並因此發明咗到而家都仲用緊嘅編號方案，同正確嘅月球名平行。呢啲數字從木星向外延伸，因此埃歐、歐羅巴、加尼美德同卡利斯托分別係木衛一、木衞二、木衞三同木衞四。伽利略喺佢嘅筆記簿入面用咗呢個系統，但從未真正發表過。編號名（木衛x）一直用到20世紀中葉，當其他木星衛星被發現嗰陣，Marius個名被廣泛使用。

除咗離木星比較遠嘅木衞四之外，其他三個都有同木星軌道共振（木衛三轉一圈，木衛二轉兩圈，木衛一轉四圈），而呢四粒衛星都有同木星潮汐鎖定。

• 木星
• 木星嘅衞星
• 伽利略