加藤屋

加藤屋
かとうや

KATOYA
加藤屋長沙灣分店（2019年）
公司前類型	有限公司
開檔	2015年10月12號（公司成立）
執笠	2024年3月28號
業務地區	香港
產業	食品服務業、日式快餐
產品	牛丼 日式快餐 鐵板餐 壽喜燒 火鍋
網址	www.facebook.com/KatoyaHK/

因應2019年「反修例」運動入面，有支持者反對吉野家所為，因而推薦轉食加藤屋，由連登同香港媒體大力宣傳，得幾間分店嘅加藤屋變得一夜成名；由過去好少人幫襯，俾高登等香港網友話感覺到中國山寨味道嘅舖頭，變成而家好多人幫襯。

• 公司網址「katoyahk.com」喺馬來西亞吉隆坡註冊，而家只有電郵服務，未有網站。

• 據香港特區政府網站資料顯示，有關公司個商標「KATOYA加藤屋」同「加藤屋」中文同英文名已本地註冊，申請人/所有者姓名為「俊偉服務有限公司」。政府並無有關公司本地資料。

• 公司雖然同「譚氏」（譚仔）有關^{[未記出處或冇根據]}，不過就獨立註冊成另一間公司。「加藤屋國際有限公司」（KATOYA International Limited）2015年10月12號喺香港成立，編號為2295215，屬私人股份有限公司。

2018年，《明報》曾發文批評「加藤屋抽水」。寫手覺得中港間吉野家生意好，所以遭人（加藤屋）「抄襲」。佢重話，加藤屋個吉祥物「加藤仔」個形象全身黑衫、黑褲、黑帽、黑眼罩，同黑手套，似卡通人物化李小龍飾演青蜂俠個助手「加藤」。

2019年反逃犯條例修訂運動期間，加藤屋提供減價優惠同埋有幾日「罷工」。不過，佢只係做好生意，從未表明立場，只係其他人將佢定性。言論親中共既香港討論區用戶關注情況，斷言係「黃屍食店」。有專門網站將商鋪分成黃絲帶同藍絲帶兩種，並稱加藤屋係「黃色」同「愛港商戶」。「反送中」支援者連登人多表示支持加藤屋。

其實，加藤屋而家成名，亦只有幾間分店。長沙灣麗新商業中心地舖、深水埗西九龍中心、太和太和廣場、粉嶺粉嶺中心地舖、屯門屯門鄉事會路樓上舖等。有傳加藤屋同譚仔三哥米線有關。高登、連登等網友觀察到佢兩間成日一齊開，或者譚仔直系品牌走，加藤屋就入。而領展資料顯示有以上情況。不過，公司登記係唔同公司。另外，北京海淀有間店又叫做「加藤屋」，但唔似樣，唔係快餐店模式，菜式、格局同商標都唔同。

2024年3月28號後已經冇分店營運，舊時嘅分店包括：

新界

• 屯門石排頭路1號卓爾廣場L2樓207B號舖
• 荃灣路德圍8及12號啟志樓地下1號舖
• 太和太和路12號太和廣場1樓101A號舖
• 粉嶺新運路33號粉嶺中心1期地下2F號舗
• 屯門屯門鄉事會路2A號 H.A.N.D.S N區2樓N-204-206號舖

九龍

• 深水埗元州街34號地下
• 太子花園街232-242號黃禮賢大廈地下M號舖
• 深水埗欽州街37號西九龍中心3樓309-310號舖
• 長沙灣長沙灣道680號麗新商業中心地下1-11號舖
• 慈雲山毓華街23號慈雲山中心地下1-3號舖