آسيا هي أكبر قارة ف لأرض و اللي فيها أكبر عدد ديال السّكان.
لأرض ديال آسيا واخدة 8.7% من لمساحة ديال لكرة لأرضية و 30% د ݣاع لمساحات اللي هوما أرض (و ماشي بحر). آسيا محدودة من الشرق ب لمحيط لمهدّن، من لجنوب لمحيط لهندي، من الشمال لمحيط لمجمّد الشمالي، و من لغرب جبال لأورال و مضيق لبوصفور (اللي تايفارقوها مع أوروپا) و قناة السويس (اللي تاتفارقها مع إفريقيا).
لقارة ديال آسيا أترات بزاف ف التاريخ ديال بنادم، و بداو فيها حضارات كبار بحال لحضارة لبابلية و لفارسية و الشينوية و لهنديّة. بزاف د لأديان لكبار ف لعالم بداو ف آسيا، بحال لمسيحية، لإسلام، ليهودية، لهندوسية، لبودية، سيخية.
تيسكنو ف آسيا تقريبا 4.7 مليار د الناس، و اللي هي 61% د بنادم ف لعالم. السكان ديال آسيا تزادو بزّاف ف لقرن 20 (تضوبلو 4 د لمرّات). آسيا فيها 49 بلاد داخلين مع لأمم لمتحدة، و بزاف من لمدن لكبار ف لعالم كاينين ف آسيا: طوكيو، پيكين، نيو ديلهي، جاكارطا، دبي، شانݣهاي، طهران، إسطنبول.
تقدر تزيد شوف بزاف د تّصاور و لمعلومات ديال Asia ف ويكيميديا كومنز. |
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article أسيا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.