سيخية

لي أسس هاد ديانة سميتو گورو ناناك ਗੁਰੂ ਨਾਨਕ.

الديانة السيخية بانت ف لهند و بضبط ف واحد لإقليم سميتو لپنجاب و من تماك بدات الدعوة لهاد دين. لفكرة لي جابها هي الجمع بين لإسلام و لهندوسية حيتاش ف لفترة نتاع القرن 16 و ف فترة نتاع إمبراطورية لمونگول كانت لهند كتعاني من واحد مشاكل دينية بين لمسلمين و لهندوسيين و باش يتسالا هاد صراع جات سيخية باش توحد هاد الجوج ديانات ف دين واحد و هكاك لهند غاترتاح من الصراعات.

كيقولو علماء نتاع الإحصاء بلي السيخيين لعدد ديالهم كيوصل حتى ل 30 مليون واحد الأغلبية ديالهم كاينين ف لهند مع شي وحدين عايشين برا لبلاد ف نݣليز و ميريكان، و كاين حتى شي دول ف ؤروپا و أسيا لي فيهم عدد صغير نتاع سيخيين بحال بانݣلاديش و سنغافورة. السيخية ب هادشي هيّ خامس أكبر دين ف لعالم من حيت عدد لأتباع.

 

كيتعتابر لمعبد الدهبي ਸੁਨਹਿਰੀ ਮੰਦਰ من لبلايص لمقدسة لي عند السيخيين و لي كاين ف مدينة أمريتسار ف لهند و لي كيجيو ليه بزاف نتاع سيخيين باش يديرو لحج و الطقوس ديالهم.

الديانة السيخية حتى هي عندها أركان و لي هوما:

• الإيمان بلي الله بوحدو هو الرب و لخالق نتاع لكون
• لإلتزام ب لكافات لخمسة و لي هوما:

1. كيش : ਕੇਸ਼
2. كانگها : ਕੰਘਾ
3. كارا : ਕਾਰਾ
4. كاشيرا : ਕਚਰਾ
5. كيرپان : ਕਿਰਪਾਨ

• نحيدو الفكرة نتاع طبقية و واحد حسن من لاخر
• تعظيم الله و الشكر على داكشي لي كيرزقنا بيه
• إنكار لأديان لخرين

مور الموت ما كيأمنوش السيخيين بلي كاينة جهنم و لا جنة حيت خداو أي حاجة عندها علاقة مور الموت من لهندوسية كيأمنو بلي الروح نتاع بنادم كتاحد مع الله و هادشي لي كيخلي الروح تحقق واحد النور و سلام لي هو أبدي و ما عندوش نهاية و فكرة لحساب و بلي بنادم غايتعاقب على لي دار فكرة ما كايناش ف دين السيخي.

ف تاريخ هاد الدين دازو 10 نتاع لگوروات لي هوما:

• لگورو اللول : گورو ناناك
• لگورو الجاوج : گورو انگاد
• لگورو التالت : گورو عمار داس
• لگورو الرابع : گورو رام داس
• لگورو لخامس : گورو ارجان
• لگورو السادس : گورو هارگوڤيند
• لگورو السابع : گورو هار راي
• لگورو التامن : گورو هار كريشان
• لگورو التاسع: گورو تاگه باهادور
• لگورو لعاشر : گورو گوبيند سينگه

 

كاين جوج نتاع لكتوبا لي مقدسين عند السيخيين:

گورو گرانث صاحب : بالنجاپية ਗੁਰੂ ਗ੍ਰੰਥ ਸਾਹਿਬ و لي كتعني لكتاب اللول و هو مقدس بزاف عند السيخيين و لي كتبو هو گورو أرجان لي هو لمعلم لخامس ف السيخية و فيه طقوس كلها و تعاليم نتاع سيخية و كيفاش خص بنادم تصلي.

داسام گرانث : بالنجاپية ਦਸਮ ਗ੍ਰੰਥ و لي كتبو هو گورو گوبيند سينگه لي هو لمعلم لعاشر ف السيخية و فيه داكشي نتاع لأدب السيخي و التقاليد نتاع الدين.

 

• راس العام السيخية : لي كيكون ديما ف 15 شهر ربعة من كل عام
• عيد  لميلاد نتاع گورو ناناك: هو تولد ف 15 شهر ربعة عام 1496 و لكن هوما كيحتلفو بعيد ميلاد ديالو ف 25 ف شهر حضاش
• عيد ميلاد نتاع گورو گوبيند سينگه : هو ليوم لي تولد فيه گورو تالي گاع و كيتحفلو بيه ف 5 شهر واحد