ჩე თუნთი (ლათ. Ursus maritimus — ზუღაშ თუნთი) — მახვამილაფარი ბჟაშუმუ ჩხოლარი თუნთიშობურეფიშ ფანიაშე.
არქტიკული ფაუნაშ ტიპობური წჷმმარინაფალი. გოფაჩილი რე ოორუე ჸინჩამი ოკიანეშ კოკეფს დო წყარპიჯეფს. კერიშ რსხულიშ სიგჷნძა რე 2.5-3 მ, ჸორიშ — 2-2.5 მეტრშახ ონჭუ. კერიშ წონა 400-650 კგ (ოშა-გოშა შვანეფს 1000 კგ), ჸორიშ — 175-300 კგ. თელარაშ ხანგჷნძალა 20-30 წანა რე. რსხული ფორილი რე ჩე (მოჸვინთალე), შხირი, გჷრნძე ბოწოწით. ჩე თუნთიშ თარი ოჭკომალი რე სელაპი, თაშნეშე ჭკომუნს ჩხომს, მაფურინჯეეფს დო თინეფიშ მარქვალეფს, ნოღურს. ზოთონჯის ვერულუანს. ჯგირო გილანჩურუნს დო ინწყუანს. ნჩურუას ოხვარუ ფსქელი კანგიმენიციმუშ ფა, ნამუთ აჭიჭარენს ჩხოლარიშ დორხველჷ წონას დო თხილანს თის ჩხურუშე. მაკება 8 თუთაშახ იგჷნძარებუ. ირ 2 წანმოწანაშე ართშა ხანს 1-2, ოშა-გოშათ 3 თუნთიშ მარგვის. სქესობურ რინას იჭყანს 4 წანაშ ხანს (კერი უმოსი გვიანს). ჩე თუნთიშ ტყების გჷმირინუანა ხალიათ, ხორცის — ოჭკომალო. ზოოექსპორტიშ ანდაღებული ობიექტი რე. ჩე თუნთშა მაჯინობა კანკალე ქიანას ვაშინერებული რე, კანკალესჷთ — გოხურგილი.
ჩე თუნთი | ||||||||||||||||
---|---|---|---|---|---|---|---|---|---|---|---|---|---|---|---|---|
მენცარული კლასიფიკაცია | ||||||||||||||||
| ||||||||||||||||
ლათინური ჯოხო | ||||||||||||||||
Ursus maritimus | ||||||||||||||||
თხილუაშ სტატუსი | ||||||||||||||||
მაწყანწყუ IUCN 3.1 Vulnerable : 22823 | ||||||||||||||||
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ჩე თუნთი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.