Jiekŋaguovža
Jiekŋaguovža (Ursus maritimus) lea guovžžaid čerdii gullevaš boraspire, mii eallá Árktisas.
Eallinguovlu
Jiekŋaguovžžat ellet Ruošša davviosiin, Oarje- ja Davvi-Alaskas, Canada árktalaš guovlluin, Ruonáeatnamis, Svalbárddas ja Davvi-Siperias.
Ovddit jiekŋaáiggis ja veaháš dan maŋŋel, lei jiekŋaguovžžaid eallinguovlu mihá stuorit. Ovdahistorjjálaš jiekŋaguovžžaid bázáhusat leat gávdnon earret eará Ruoŧas ja Dánmárkkus. Árvaluvvo ahte šládja elii maiddái Suomas, muhto dat ii leat áibbas sihkkar.
Sturrodat
Jiekŋaguovža lea guhkit go eará guovžžat, ja sullii seamma sturrosaš go kodakguovža. Dat lea gaskal guokte ja 2,8 mehtera guhkosaš. Njiŋŋelaš guovža deaddá 175–300 kg ja varris ges 350–700 kg, muhto stuorimusat soitet leat olles 800 kg.
This article uses material from the Wikipedia Sámegiella article Jiekŋaguovža, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisdoalu sáhttá geavahit liseanssain CC BY-SA 4.0, jus ii boađe eará diehtu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sámegiella (DUHOCTRUNGQUOC.VN) is an independent company and has no affiliation with Wiki Foundation.