პაბლო რუის ი პიკასო პიკასო (ესპ.
Pablo Ruiz y Picasso; დ. 25 გჷმათუთა, 1881, მალაგა, ესპანეთი ― ღ. 8 პირელი, 1973, მუჟენი, საფრანგეთი), ესპანარი ხანტუ დო სკულპტორი, მა-20 ოშწანურაშ ხელუანობაშ ართ-ართი არძაშე უმოსო ჩინებული ფიგურა, ჟორჟ ბრაკწკჷმა ართო კუბიზმიშ დჷმარსხუაფალი.
დუდშე გურაფულენდ მუმაწკჷმა, ხ. რუისწკჷმა, ლა-კორუნიაშ (1894-95), ბარსელონაშ (1895-შე) დო მადრიდიშ ხელუანობაშაშ სკოლეფს. 1904 წანაშე პარიზის ოხორანდჷ. 1900-იან წანეფს ქიმინჷ მუშ მაართა შანულამი „ცაშფერი პერიოდეფი,“ 1901-04, დო „ვარდიშფერი პერიოდი“, 1905-06 წანაშ ნახანდეფი. 1907 წანაშე პაბლოქ მეჭყვიდჷ კავშირი მოსოფელიშ ფერჭარუაშ რეალისტურ ტრადიციეფწკჷმა, მარა თეშ უკული ხოლო ბრელშა დართჷ რეალისტურ ტრადიციეფს დო კლასიკურო აკუწყორუ ავანგარდიზმის ექსპერიმენტეფს. პაბლოქ გურშა მიღჷ ბურჟუაზიული ჯარალუაშ კრიზისი, კაპიტალიზმიშ პიჯალეფს ვარწყედჷ ძალას, ნამუთ აწუდირთუდ თე ოშკურანჯ სინანდულეს.
ფშხირას პაბლოშ შემოქმედებას პერიოდეფიშ მეჯინათ რთჷნა.
This article uses material from the Wikipedia მარგალური (Margaluri) article პაბლო პიკასო, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.