| ||||||
Djenerå | ||||||
---|---|---|---|---|---|---|
No, Essegne, Lº at. | ôr, Au, 79 |
L' ôr, c' est èn elemint do tåvlea Mendeleyev, del troke des metås, kinoxhou dizo l' essegne atomike Au, li limero atomike 79, et l' pwès atomike 196,9666.
Dispu l' vî vî tins di l' omanité, les djins ont saetchî a l' ôr po ndè fé des béns precieus, adonpwis, del manoye.
Il a stî on tins on respondant pol valixhance d' ene metowe manoye (Acoirds di Burton-Bwès, 1944). Cisse fonccion la a stî anixhilêye pa li rfus des Estats Unis di ratchter ses dolårs (1971).
On-z a cwerou a l' ôr dins les ris di l' Årdene dispu bele ådje.
Ås Taeyes, on professeur di Lidje î a trové on trô, li trô des massoteas. C' est ene galreye, sitipêye avou des bwès, ki date di 2000 ans. On-z î a rtrové d' l' ôr, çou ki mostere ki les djins di ces trevéns la cwerént ddja après l' ôr dins les aiwes des fagnes.
Gn a co des hopeas d' cwereu d' ôr dins les troufreyes di Libin.
L' ôr si fwait magnî på mierkeure. Boutans, si vos av on termomete di vifårdjint ki si speye, ki vos vloz prinde li mierkeure so vosse mwin, et k' i djond ene bague d' ôr, cisse-ciale va esse dimagneye.
This article uses material from the Wikipedia Walon article Ôr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.