Or

Ch'est un êlément chimique (Au) tchi n'fait pon aîsiment des composés auve d'aut's êléments. San neunmétho atonmique est 79.

Avaû les siècl'yes l'or a 'té fait sèrvi pouor les sou et pouor la bijout'tie. Viyant qu'l'or n'rouit pon, ch'n'est pon nécessaithe dé l'forgi. Les gens préhistoriques avaient trouvé des nodgîns d'or pur qu'i' pouvaient battre et haler. L'or a 'té fait sèrvi dans la dgéthithie d'dents – les cheins tch'avaient des maux d'dents soulaient faithe sèrvi lus dents en or coumme des sou d'êpaîngne.

Dans la tchultuthe, nou crait en génétha qu'l'or est l'pus précieux des choses. Ès Gammes Olŷmpiques et ès aut's compétitions, eune médâle en or est baillie ès gângnants.

L'or èrprésente lé neunmétho 50: dans les neuches d'or et un jubilé d'or.

• Tout se qui brille n'est pas or
• La santé est d'or
• La propreté r'lit par dessus l'or