Čerčill' Uinston

30. kül'mku 1874, Vudstok, Anglii, Sur' Britanii — kol. 24. viluku 1965, Kensington, London, Anglii, Sur' Britanii) oli britanine valdkundmez'.

Čerčill' Uinston
angl.: Winston Churchill
Uinston Čerčill'-ižand vl 1942
nimi sündundan jäl'ghe:	angl.: Winston Leonard Spencer Churchill
radmižen toižend:	politikanmez', istorik
sündundan dat:
sündundan sijaduz:	Blenheim Palace[d], Woodstock[d]
valdkund:	Sur' Britanii[19]
kolendan dat:
kolendan sijaduz:	Hyde Park Gate[d], Royal Borough of Kensington and Chelsea[d], Suur-London[d], London[d], Anglii, Sur' Britanii[20][21]
tat:	Randolph Churchill[d][22]
mam:	Jennie Churchill[d][22]
Čerčill' Uinston VikiAitas
Om sädusid VikiPurtkiš

Uinston oli sündnu Blenheiman pert'kulhu, Rendol'f Genri Spenser Čerčill'-lordan i hänen Dženni Čerčill'-ledin kanzha. Tat oli tetaban politikanmehen, mam oli elokahan amerikalaižen biznesmenan tütren.

Kändihe Herrou-školan pästnikan, vll 1893−1894 openui Kunigahan sodaškolas. Edel 1904 vot i vozil 1924−1964 Uinston Čerčill' oli Konservativižen partijan ühtnijan, sen lideran-ki vll 1940−1955. Radoi sodalehtezmeheks lähtendan erindha jäl'ghe. Kirjuti kirjoid anglijan i francijan kelil kaiken elon aigan, literaturižen Nobelän premijan laureat (1953). Sädi enamba 500 voikuvid.

Britanižen armijan polknik, služi kavalerijas vll 1895−1900 i 1915−1916. Suren Britanijan parlamentan ühtnii (alakodi — Kundoiden kodi, 1900−1964). Vozil 1908−1929 i 1939−1955 oli ranu ühten aigan Suren Britanijan ministrištos, sidä kesken päministran kaks' strokud (1940−1945, 1951−1955) da kaičendministran (1940−1945, 1951−1952).

Uinston Čerčill' oli naižiš üks'jäižen kerdan vspäi 1908 elon pitte, Klementina Ogilvi Spenser Čerčill'-baroness (1885−1977) oli hänen ak. Sünduiba naimiželos: Rendol'f-poig (1911−1968) da nell' tütärt — Diana (1909−1963), Sara (aktris, 1914−1982), Marigol'd (sünd. 1918) i Meri (1922−2014).