Mozilla Firefox () om kaclim Internetan täht.
Ezmäine versii om pästtud vn 2002 23. päiväl sügüz'kud. Produkt šingotase da levitase amerikaižel Mozilla Corporation-kompanijal (Mauntin Vju, Kalifornii), mugažo kaiken mail'man ičetahtnikoil.
Se om joudai (maksutoi) kaclim, voib sada eriži vai Linux:an Ubuntu-distributivanke. Nügüdläižed versijad ottas Quantum-likutint aluseks. Firefox om mail'man nellänz' kaclim levigandusen mödhe (200..300 mln kävutajid) i ühtenz' joudjan programholitusen keskes, sen pala torgusel oli 7,49 % vn 2021 keväz'kus.
Kaclim om levitadud avaros Saksanman da Evropan toižiden maiden territorijal, Indonezijas, Afrikan keskuzpalas, Kubal. Vn 2021 kezakun versijad oma sätud 88 kelel (vl 2004 niid oli 24).
Firefox ei anda kaikid voimusid standartižes programas, no edestab levigandusiden mehanizman, se laskeb kävutajile modificiruida kaclint ičeze tarbhaižusiden mödhe.
Mozilla Firefox Vikiaitas |
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Mozilla Firefox, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.