Islamabad

Islamabad (mugažo anglijan kelel, virktas ; urdu: اسلام آباد Islāmābād «islaman lidn») om Pakistanan pälidn da Federaline Pälidnaine territorii, valdkundan ühesanz' lidn eläjiden lugun mödhe.

Islamabad
اسلام آباد (urdu)
(Islāmābād)

Islamabad (angl.)
Flag
Islamabad
Valdkund Pakistan
Eläjiden lugu (2017) 1,014,825 ristitud
Pind 220 km²
Islamabad اسلام آباد (urdu) (Islāmābād) Islamabad (angl.)
Pämez' Šeih Ansar Aziz
(keväz'ku 2016—)
Telefonkod +92-(0)51
Aigvö UTC+5

Istorii

Eländpunktan aluz om pandud 1960-nzil vozil tehmaha valdkundan pälidnan funkcijoiden mödhe. Pälidn oli sirtud lähižihe Ravalpindihe Karačišpäi pordaigaližikš, sid' Islamabadha sauvomižen ezmäižen pordhan vaumičendan jäl'ghe vl 1966.

Uden pälidnan plan om sätud grekalaižen Konstantinos Apostolou Doksiadis-arhitektoran kompanijal. Plan jagab lidnad zonoiden kahesaks toižendaks, sidä kesken administrativine i diplomatine enklavad, eländfartaloiden tahod, opendusen sektorad, tegimišton sektorad, kommertižed tahod, maižandusen tahod i viherzoittud pindad.

Islamabad šingotase pälidnan funkcijoil, om valdkundan opendusen keskuseks. Pakistanan fondbiržan (PSX, vspäi 2016) üks' koumes lavudespäi radab lidnas. Korktad kirjutandmahtuz (88..98 %) i varuitomuz abutadas säta uzid edheotandoid. Koume IT-parkad oma avaitud. Valdkundaližiden kompanijoiden päfateroiden tobj pala om sijatud pälidnas. Bazirujiden Karačiš kompanijoiden palakundad ratas täs.

Geografijan andmused

Lidn sijadase valdkundan pohjoižes, 490..1584 m korktusil, 507 m ü.m.t. keskmäižel korktusel. Om suviröunoiš Ravalpindi-lidnanke. Korktad mäged seištas pohjoižhe i päivnouzmha lidnaspäi. Savan-jogi (angl.: Sawan River, Indan hurapol'ne bassein) da sen ližajoged jokstas lidnan suvipalas.

Klimat om subtropine päivoikaz. Voden keskmäine lämuz om +21,3 C°, semendkun-sügüz'kun +27,5..+31,2 C°, tal'vkun-uhokun +10,1..+12,1 C°. Ekstremumad oma −6 C° (viluku) i +46,6 C° (kezaku). Kezaaigan minimum om +15 C° (kezaku), tal'vaigan maksimum om +30,1 C° (viluku). Paneb sadegid 1142 mm vodes, enamba heinkus (267 mm) i elokus (310 mm), vähemba redukus-tal'vkus i keväz'kus (18..39 mm kus). Tal'vel voib panda lunt lähižiden mägiden päihe, lidnas ei oleskele.

Eläjad

Vl 1998 lidnan eläjiden lugu oli 529 180 ristitud. Kaikiš suremb lidnan ristitišt om nügüd'. Enamba kaht millionad ristituid elädas lidnan kaikes aglomeracijas 1165 nellikkilometrad pindal (2017, Pälidnaižen territorijan pind). Sädab Pakistanan koumant surtte konurbacijad Ravalpindinke, nell' millionad ristituid.

Maman kel' (2006; oficialižed keled oma anglijan kel' i urdu-kel'): pandžaban kel' — 62 %, puštu — 18 %, sindhi — 12 %, toine kel' — 8 %.

Religijan mödhe (vn 2006 rahvahanlugemižen mödhe): islamanuskojad — 89,83 %, hristanuskojad — 6,07 %, induistad — 4,02%, toižed uskojad — 0,08 %.

Islamabad om valdkundan professionaližen opendusen järedaks keskuseks. Enamba mi sada kolledžad i 16 universitetad ratas lidnas, üläopenikoiden ühthine lugu ülitab 300 tuhad.

Transport

Avtobusad, kiruhavtobusad i taksid oma kundaližeks transportaks lidnas. Kiruhavtobusad ühtenzoittas Ravalpindinke.

Rahvahidenkeskeine civiline Islamabad-lendimport (ISB / OPIS, 4,7 mln passažiroid 2021/2022 finansižel vodel) sijadase 25 km suvipäivlaskmha lidnaspäi. Tehtas reisid Azijan lähižiden maiden surihe lidnoihe, Kitain lidnoihe i Londonha, mugažo Pakistanadme.

Sebruzlidnad

Homaičendad

Irdkosketused



Azijan pälidnad
Abu Dabi | Amman | Ankar | Astan | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan

Tags:

Islamabad IstoriiIslamabad Geografijan andmusedIslamabad EläjadIslamabad TransportIslamabad SebruzlidnadIslamabad HomaičendadIslamabad IrdkosketusedIslamabadAnglijan kel'IslamPakistanUrdu

🔥 Trending searches on Wiki Vepsän:

Horvatan kel'Rostov DonalJeisk29 (lugu)Kabardinijan da Balkarijan TazovaldkundMariVenMad'jaran kel'KitaiBonnLäipcigAnglijan kel'Ičemoi lugemištPiterKarr Sara RouzPušilin DenisHoking StivenGruzijan kel'Anglijan VikipediiMirandan kel'Nevondkundaližiden Socialistižiden Tazovaldkundoiden ÜhtištuzRenault LoganOrelKorrea Rafael'LiviiMineralBalling NoraSlovakan kel'Amuine EgiptLezgin kel'18 (lugu)Kezaolimpiad-2012VepsänmaRevolücii Venämas vl 1917SumqayıtStalin IosifAraban Ühtenzoittud Emiratoiden valdkundznamŠotlandiiAfganistanBernNju JorkVol'framIslandiiMark TvenTellurHel'sinkiArtömovsk (Doneckan Tazovaldkund)ReligiiTurinBapshaineInternetBoliviiNograd (agj)Burätijan TazovaldkundGAstrahan'Iisusan loičendBismark Otto fonHošiminDvoržak AntoninKatarBel'gii🡆 More