Ti Mozilla Firefox (sigud nga am-ammo kas Phoenix sa iti nabiit ket Mozilla Firebird) ket maysa a nawaya, ballasiw a plataporma, grapikal a pagbasabasa ti web a pinartuat ti Mozilla Foundation ken ginasut a boluntario.
Sakbay ti pannakairuar ti bersionna a 1.0 idi Nobiembre 9, 2004, ti Firefox ket nalataken ken idaydayaw ti adu a taga-media, a pakairamanan ti Forbes ken ti Wall Street Journal. Iti mapan a 25 a riwriw a download iti 99 nga aldaw laeng kalpasan ti pannakairuarna, nagbalin ti Firefox a maysa kadagiti kaaduan a maar-aramat a libre ken nawaya ken nawaya a taudan a software, nangruna kadagiti agus-usar kadagiti pagtaengan. Idi Oktubre 19, 2005, ti Firefox ket addaanen iti 100 a riwriw a download, 344 nga aldaw laeng kalpasan ti pannakairuar ti version 1.0.
Mozilla Firefox | |
---|---|
Nagpataud | Korporasion ti Mozilla Pundasion ti Mozilla |
Pannakaipablaak | Nobiembre 9, 2004 |
Kasasaad | Aktibo |
Pannakisurat | C/C++, JavaScript, CSS, XUL, XBL |
Panangpaandar | Microsoft Windows Mac OS X Linux |
Makina | Gecko |
Kadakkel | 16 MB – Windows 31 MB – Mac OS X 17 MB – Linux 75 MB – source code |
Magun-od | 88 patarus (dagiti 79 a pagsasao) |
Kita | Pagbasabasa ti web |
Lisensia | MPL |
Website | www |
Rinugian da Dave Hyatt ken Blake Ross a trinabaho ti gandat a Firefox kas maysa nga sinubsubokan a sanga ti gandat a Mozilla. Namatida a dagiti komersial a pakasapulan ti Netscape ket makaapekto iti browser a Mozilla. Tapno malapdanda ti nakitada nga ibubussog unay ti software ti Mozilla Suite, nangpartuatda iti nalaklaka a pagbasabasa (a naawagan idi damo iti Phoenix, nga itan ket Firefox), a pinanggepda a mangsukat iti Mozilla Suite. Ni Ben Goodger ita ti agpapaay a kangrunaan a mangbukbukel iti Firefox.
This article uses material from the Wikipedia Ilokano article Mozilla Firefox, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.