پرومیتھیس (Prometheus) یونانی دیو مالا کا ایک کردار ہے۔ وہ ایک دیوتا تھا جسے انسانوں کے ساتھ ہمدردی کے جرم میں سزا دی گئی۔
یونانی دیومالائی کہانی کے مطابق سب سے بڑا دیوتا زیوس انسانوں کی بری حرکتوں کی وجہ سے نسل انسانی کو سردی سے ختم کر دینا چاہتا تھا، پرومیتھیس کو جب اس بات کی خبر ہوئی تو اس نے انسانوں کو سردی سے بچانے کے لیے آگ جلانے کا فن سکھایا اور یوں انسان بچ گیا۔ زیوس کو جب اس پورے واقعے کی خبر ہوئی تو اس نے سزا کے طور پر پرومیتھیس کو قفقاز میں ایک چٹان سے بندھوا دیا اور اس پر ایک گدھ چھوڑ دیا جو سارا دن اس کا جگر کھاتا رہتا۔ رات کو پھر اس کو نیا جگر دے دیا جاتا۔ تاکہ آئندہ روز پھر گدھ کھاتا رہے اور اس طرح اسے سزا ملتی رہے۔ لیکن پرومیتھیس اپنے کیے پر پچھتایا نہیں۔
پرومیتھیس ظلم اور جبر کے سامنے جرات، بہادری اور تخلیق کی علامت ہے۔
This article uses material from the Wikipedia اردو article پرومیتھیس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.