پدما سچدیو: بھارتی ناول نگار

پدما سچدیو کی ولادت 1940ء میں پرمنڈل، جموں میں ہوئی۔ ان کے والد جے دیو باڈو سنسکرت کے اسکالر اور مدرس تھے جن کا تقسیم ہند کے دوران میں قتل ہو گیا تھا۔ جے دیو کی 3 اولادیں ہوئیں جن میں پدما سب سے بڑی تھیں۔ پدما نے پہلے ڈوگری زبان کے شاعر وید پال دیپ سے شادی کی اور بعد میں سنگھ بندھو موسیقی جوڑی میں سے ایک سریندر سنگھ سے 1966ء میں شادی کرلی۔ پدما فی الحال نئی دہلی میں مقیم ہیں۔

پدما نے 1961ء میں آکاش وانی میں کام کیا۔ وہ وہاں اناونسر تھیں۔ یہیں ان کی ملاقات سریندر سنگھ سے ہوئی جو سنگھ بندھو جوڑی کے ایک رکن تھے اور وہاں ڈیوٹی افسر تھے۔ بعد کے دنوں میں انھوں نے آکاش وانی ممبئی میں بھی کام کیا۔ انھوں نے کئی شعری مجوعے شائع کیے جن میں توی تے چندن (1976ء)، نہیریاں گلیاں (1982ء)، پوٹا پوٹا نمبل (1987ء)، اتر واہینی (1992ء) اور تینتھیاں (1992ء) شامل ہیں۔

انھوں نے وید راہی کی 1973ء کی فلم پریم پربت کا گانامیرا چھوٹا سا گھر بار کے بول لکھے۔ اس گانا کو جے دیو نے موسیقی دی۔ اس کے بعد انھوں نے 1978ء کی فلم آنکھیں دیکھی کے دو نغمے لکھے جس میں جے پی کوشک نے موسیقی دی۔ ایک گانا سونا رے تجھے کیسے ملوں ہے جسے محمد رفیع اور سلکھشنا پنڈت نے گایا۔ انھوں نے 1979ء کی فلم ساہس کے لیے بھی گانے لکھے جس میں امین سنگیت نے موسیقی دی تھی۔

• دینو بھائی حاصل حیات اعزاز، 2017ء، منجانب ڈی بی پنت میموریل ٹرسٹ، جموں اور کشمیر
• کتوریوا سمرگ سمان، 2015ء، منجانب بھارتیہ بھاشا پریشد، مغربی بنگال
• سرسوتی سمان، 2015ء، ڈوگری زبان میں اپنی خود نوشت سوانح حیات پر ملا۔
• پدما شری، 2001ء
• ساہتیہ اکیڈمی اعزاز، 1971ء
• کبیر سمان برائے شاعری، 2007ء-2008ء

ان کی وفات 4 اگست 2021ء کو ہوئی۔

• بھارتی مصنفین کی فہرست
• بھارتی شعرا کی فہرست