نیل آرمسٹرانگ
نیل آرمسٹرانگ (پیدائش: 5 اگست 1930ء – وفات: 25 اگست 2012ء) ایک سابق امریکی خلاباز تھے، جنہیں چاند پر قدم رکھنے والے پہلے انسان ہونے کا شرف حاصل ہوا۔ وہ ایک فضائیات (aerospace)کے انجینئر، امریکی بحریہ کے پائلٹ، تجرباتی پائلٹ اور جامعہ کے معلم بھی تھے۔ وہ امریکی بحریہ میں افسر تھے اور انھوں نے کوریا جنگ میں بھی خدمات انجام دیں۔ جنگ کے بعد انھوں نے قومی مشاورتی مجلس برائے فضائیات (National Advisory Committee for Aeronautics) میں تجرباتی پائلٹ کی حیثیت سے کام کیا جہاں انتہائی تیز رفتار پروازوں کے تجربات کیے جاتے تھے۔ اب یہ مجلس ڈرائیڈن فلائٹ ریسرچ سینٹر کہلاتی ہے، جہاں آرمسٹرانگ نے 900 سے زائد پروازیں کیں۔ وہ جامعہ پرڈیو کے تعلیم یافتہ تھے اور اپنی تعلیم جامعہ جنوبی کیلیفورنیا میں مکمل کی۔
| ||||
|---|---|---|---|---|
| (انگریزی میں: Neil Alden Armstrong) | ||||
 | ||||
| معلومات شخصیت | ||||
| پیدائشی نام | (انگریزی میں: Neil Alden Armstrong) | |||
| پیدائش | 5 اگست 1930ء | |||
| وفات | 25 اگست 2012ء (82 سال) سنسیناٹی | |||
| وجہ وفات | جراحی کی پیچیدگیاں | |||
| مدفن | بحر اوقیانوس | |||
| طرز وفات | طبعی موت | |||
| شہریت | .svg){kind=small} ریاستہائے متحدہ امریکا | |||
| آبائی علاقہ | جرمنی | |||
| مذہب | الٰہیت | |||
| تعداد اولاد | ||||
| عملی زندگی | ||||
| مادر علمی | جامعہ جنوبی کیلیفونیا (–1970) جامعہ پردیو (–1955) یو ایس سی وٹربی انجینئرنگ اسکول | |||
| تخصص تعلیم | ہوافضائی ہندسیات ،ہوا پیمائی | |||
| تعلیمی اسناد | ماسٹر آف سائنس ،بی ایس سی | |||
| پیشہ | استاد جامعہ ، خلانورد | |||
| مادری زبان | انگریزی | |||
| پیشہ ورانہ زبان | انگریزی | |||
| شعبۂ عمل | خلانوردی ، ہوافضائی ہندسیات | |||
| ملازمت | تالاہاسی، فلوریڈا ، ناسا ، یونیورسٹی آف سنسناٹی | |||
| خلا میں وقت | ||||
| مشن | جمینی 8 (1) اپالو 11 (2) | |||
| عسکری خدمات | ||||
| شاخ | امریکی بحریہ | |||
| لڑائیاں اور جنگیں | کوریا جنگ | |||
| اعزازات | ||||
 آرڈر آف کلچر (1969).svg){kind=small} صدارتی تمغا آزادی (1969)اسٹار آن ہالی ووڈ واک آف فیم کانگریشنل گولڈ میڈل  ایئر میڈل | ||||
| دستخط | ||||
 | ||||
 | IMDB پر صفحات | |||
درستی - ترمیم  | ||||
آرمسٹرانگ نے 1962ء میں ناسا خلا باز دستے میں شمولیت اختیار کی اور پہلی بار 1966ء میں ناسا کی مہم جیمینائے 8 (انگریزی: Gemini 8) میں اپنا پہلا خلائی سفر کیا اور خلا میں بھیجے گئے امریکا کے اولین شہریوں میں سے ایک بنے۔ اس مہم میں انھوں نے ساتھی پائلٹ ڈیوڈ اسکاٹ کے ساتھ دو انسان بردار خلائی جہازوں کو متصل کرنے کا کام انجام دیا۔
آرمسٹرانگ کا خلا میں دوسرا اور آخری سفر جولائی 1969ء میں اپالو 11 کا وہ تاریخی مشن تھا جس میں انھیں چاند پر اترنا تھا۔ آرمسٹرانگ اور ان کے ساتھی بز ایلڈرن چاند کی سطح پر اتنے اور وہاں ڈھائی گھنٹے گزارے جبکہ مائیکل کولنز کمانڈ ماڈیول کے ذریعے مدار میں گردش کرتے رہے۔ اس دوران میں دونوں خلا بازوں نے چاند کی سرزمین کا جائزہ لیا، تصاویر لیں اور مٹی اور پتھروں کے نمونے جمع کیے۔ دونوں نے چاند کی سطح پر امریکی جھنڈا لہرانے کے علاوہ ایک لوح بھی نصب کی جس پر درج تھا کہ
| ” | یہ وہ جگہ ہے جہاں سیارہ زمین سے آکر انسان نے پہلی مرتبہ قدم رکھا، اور جو پوری انسانیت کے لیے امن کا پیغام لے کر یہاں آیا | “ |
نیل آرم اسٹرانگ نے جب پہلی بار چاند پر قدم رکھا تو ان کی زبان سے یہ الفاظ نکلے:
| ” | ایک آدمی کے لیے یہ ایک چھوٹا سا قدم ہے، مگر انسانیت کے لیے وہ ایک عظیم جست ہے (انگریزی: That's one small step for a man ، one giant leap for mankind.) | “ |
| چلنے میں مسئلہ ہو رہا ہے؟ دیکھیے میڈیا معاونت۔ | |
اس کے بعد دونوں خلاباز خلائی گاڑی ایگل کے ذریعے چاند کے گرد چکر لگاتے ہوئے اپالو 11 جہاز تک پہنچے اور پھر 24 جولائی کو واپس زمین پر اترے۔
آرمسٹرانگ کو کولنز اور ایلڈرن کے ساتھ صدر رچرڈ نکسن کی جانب سے صدارتی تمغۂ آزادی سے، 1978ء میں صدر جمی کارٹر کی جانب سے کانگریسی خلائی تمغا اعزاز اور 2009ء میں کانگریسی طلائی تمغے سے نوازا گیا۔
25 اگست 2012ء کو آرمسٹرانگ سنسناٹی، اوہائیو میں 82 سال کی عمر میں وفات پا گئے، جس کی وجہ دل کی شریانوں کے بند ہونے کی وجہ سے پیدا ہونے والی پیچیدگی تھی۔
چاند پر قدم رکھنے والے پہلے انسان کی حیثیت سے نیل آرمسٹرانگ کا نام تاریخ میں ہمیشہ کے لیے امر ہو گیا ہے۔
مزید دیکھیے
حوالہ جات
| ویکی ذخائر پر نیل آرمسٹرانگ سے متعلق سمعی و بصری مواد ملاحظہ کریں۔ |
This article uses material from the Wikipedia اردو article نیل آرمسٹرانگ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.