Efiada
Efiada(pronounciation of Efiada (help·info)) ɛyɛ nnawɔtweda a ɛwɔ Yawoada ne Memeneda ntam.
- Wɔatwerɛ nsɛm wei ɛwɔ Asante kasa mu
Sɛ yɛ hwɛ seneɛ nnawɔtweda no hyɛ aseɛ a ɛwɔ mmeamea bebiree no, Efiada ɛyɛ da a ɛtɔ so enum ɛwɔ nnawɔtwe no mu ɛne da ɛtwa toɔ ɛwɔ da a yɛde yɛ adwuma mu.
Nea Efiada kyerɛ ne ne kradin
Efiada kyerɛsɛ Afi asekyerɛ ne asaase a etumi so aba anaa deɛ ɛtumi wo. Akanfoɔ bi te sɛ Fantefoɔ gyidi sɛ eda wei kyerɛ asaase na wo da. Efiada yɛ ɛda sronko wɔ Akanfoɔ nnawɔtwe da nu mu. Wɔ Akanfoɔ adaduanan nu mu, wɔ yi nda annan bi a ɛyɛ dabone, na nda bone mmienu nso yɛ frɛ: nu Adae ne Fodwo anaa Fofi, Fo kyerɛ nhyiamu. Wei yɛ nda wɔ de frɛ nananom abosom a wɔ wɔ nsuom ne asaase so, na wɔ yɛ amamere a ɛbɔ kuro no ho ban. Sɛ dabone si Ɛdwoada ne Efiada da a wɔ di Fodwoɔ ne Fofie a ɛyɛ ndaa sronko wɔ Akan nda nu mu.
Wɔ wo abɔfra Efiada a yɛ frɛ nu Afia/Efia na Kofi. Afia ne Efia yɛ mmaa din ɛna Kofi nso yɛ mmɛrima din.
Beae a ɛhyɛ wɔ nnawɔtwe no mu
Ɛwɔ ɔman foforɔ bi mu no te sɛ United States of Amerika ɛne Canada no, ɔmo fa no sɛ nnawɔtweda no ɛhyɛ aseɛ firi Kwasiada. Efiada ɛyɛ da ɛtɔ so nsia ɛwɔ nnawɔtwe no mu. Ɛwɔ Ɔman foforɔ so no, ɔmo fa no sɛ nnawɔtweda no hyɛ aseɛ ɛwɔ Memeneda anaa Ɛdwoada ɛno saa no Efiada ɛyɛ da ɛtɔ so nson anaa enum ɛwɔ nnawotwe no mu. Wɔ Gaana Efiada yɛ ɛda ɛtɔso num wɔ nnawɔtwe nu mu.
Sɛdeɛ Akanfoɔ binom frɛ saa da yi.
| Akan kasa | Ɛda | Mmaa din | Mmɛrima din |
|---|---|---|---|
| Asantefoɔ | Efiada | Afia | Kofi |
| Akuaemfoɔ | Efiada | Afia/Efia | Kofi |
| Fantefoɔ | Efida | Afua | Koffi/Coffie |
Hwehwɛ Pii Ka ho
Babia a menyaa mmoa firiiɛ.
This article uses material from the Wikipedia Twi article Efiada, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nsɛm a ɛwɔ ha yi bo nnu CC BY-SA 4.0 gye sɛ wɔkyerɛ sɛ bo no yɛ foforo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Twi (DUHOCTRUNGQUOC.VN) is an independent company and has no affiliation with Wiki Foundation.