Ahinime
Ahinime(pronounciation of Ahinime (help·info)) yɛ bosome a ɛtɔ so du wɔ afe no mu.
- Wɔatwerɛ nsɛm wei ɛwɔ Asante kasa mu
Ɛyɛ bosome a ɛwɔ nnafua aduasa baako. Saa bosome yi wɔ nnafua aduasa baako te sɛ abosome Ɔpɛpɔn, Ɔpɛnimma ne Ɔbɛnem. Ahinime bosome no hyɛ Ɛbɔ ne Obubuo abosome no ntam. Ɛbɔ bosome no di Ahinime bosome no anim na Obubuo bosome no di Ahinime bosome no akyi.
Abakɔsɛm
Ahinime yɛ edin a Akanfoɔ de ma bosome a ɛtɔ so du wɔ afe no mu. Ahinime bosome yɛ ofupɛ bere. Saa bosome yi yɛ osutu bere a ɛtɔ so mmienu wɔ anafo fam wɔ ɔman Gaana mu. Nanso saa bosome yi hyɛ ɔpɛ bere ase wɔ atifi fam wɔ ɔman Gaana mu. Ahinime bosome wɔ afahyɛ wɔde, abi ne Ohumkyire, Akwantutenten, Apoo, Fofie Yam ne Gmayem Afahyɛ a ɔman Gaanafoɔ edi.
Nna atitirew anaa nnapɔnna wɔ bosome no mu
Ahinime bosome wɔ afahyɛ wɔde, abi ne
- Ohumkyire. Ɛyɛ otwabere nnaaseda afahyɛ a wɔn a wofi Akyem nkurow ne Kibi ne nkuraa nkuraa a ɛbenbɛn di wɔ bosome Ahinime anaa Ɛbɔ mu.
- Fofie. Ɛyɛ bayerɛ afahyɛ a Ghanafo a wofi Bono East mantam, ne titirew Techiman, di.
- Nmayem anaa Gmayem. Ɛyɛ afahyɛ a wɔn a wofi Dodowa di. Saa afahyɛ yi nso yɛ otwabere nnaaseda afahyɛ.
- Apoo afahyɛ
- Akwantutenten afahyɛ a ɔman Gaanafoɔ edi.
Nnwoma ahodoɔ a menyaa mmoa firii mu.
This article uses material from the Wikipedia Twi article Ahinime, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Nsɛm a ɛwɔ ha yi bo nnu CC BY-SA 4.0 gye sɛ wɔkyerɛ sɛ bo no yɛ foforo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Twi (DUHOCTRUNGQUOC.VN) is an independent company and has no affiliation with Wiki Foundation.