Sa linggwistika, ang pangungusap ay lipon ng mga salitang nagpapahayag ng buong diwa.
Binubuo ito ng panlahat na sangkap, ang panaguri at ang paksa subalit buo ang diwa.
May dalawang ayos ang pangungusap, ang karaniwan at di-karaniwan. Kung ang panaguri ay nauuna kaysa simuno, ang pangungusap ay nasa karaniwang ayos; at kung ang simuno naman ang nauuna kaysa sa panaguri, ang pangungusap ay nasa di-karaniwang ayos.
Kapag nagsisimula sa panaguri at nagtatapos sa simuno.
Halimbawa: Mayroong bagong tsinelas si Ana.
Kapag nagsisimula sa simuno at nagtatapos sa panaguri. Ang panandang "ay" ay kadalasang makikita sa mga pangungusap.
Halimbawa: Si Ranilene ay bumili ng bagong tsinelas.
Maiuuri rin ang pangungusap bilang pasalaysay o paturol, patanong, pautos, at padamdam:
Ito ay nagsasalaysay ng katotohanan, opinyon, pahayag, kaisipan o pwede ring pangyayari. Lagi itong nagtatapos sa tuldok (.).
Halimbawa: Unti-unting nakikilala ang mga pangkat-etniko sa ating bansa dahil sa kanilang mga katangian.
Ito ay pangungusap na ginagamit sa pagtatanong, at tandang pananong (?) ang bantas sa hulihan nito.
Halimbawa: Isinusulong pa ba ang pagbuo ng mga batas para sa pambansang pangkapayapaan?
Ito ay nagsasabi ng matinding damdamin gaya ng tuwa, pagkagulat, paghanga, panghihinayang at iba pa. Ito ay nagtatapos sa tandang padamdam (!).
Halimbawa: Kay ganda talagang mamasyal sa Davao!
Ito ay uri ng pangungusap kung saan ay nakikiusap o nag uutos ito. Ito ay maaring magtapos sa tuldok (.) o tandang padamdam (!).
Halimbawa: Diligan mo ang mga halaman.
Ito ay uri ng pangungusap na pautos na nagsasaad ng pakiusap. Ito ay madalas na nagtatapos sa tuldok (.) o tandang pananong (?).
Halimbawa: Pakidala mo nga rito ang aking sapatos.
Ito ang pokus o pinag-uusapan sa pangungusap. Ito ay laging tinatadaan ng mga pantukoy na ang, ang mga, si at sina. Ito ay maaaring makita sa unahan, gitna o hulihan ng pangungusap.
Payak ang simuno o paksa kung ito ang/ang mga pangngalan, panghalip, pang-uri o pandiwang pinag-uusapan. Ang buong simuno ay binubuo ng payak na simuno kasama ang iba pang salitang tinatawag na panuring.
Halimbawang Pangungusap | Payak na Simuno | Buong Simuno |
---|---|---|
Si Jakie ay umiyak nang umiyak. | Jakie | Si Jakie |
Priniprito ko na ang isda. | isda | ang isda |
Pumunta sa tindahan sina Jared at Jakie. | Jared, Jakie | sina Jared at Jakie |
Ito ang bahagi ng pangungusap na nagsasabi tungkol sa simuno o paksa. Ito ay maaaring matagpuan sa unahan at hulihan ng pangungusap.
Payak ang panaguri kung ito ay ang/ang mga pandiwa, pang-uri, pangngalan o panghalip na nagsasabi tungkol sa simuno. Ang buong panaguri ay ang payak na panaguri kasama ang iba pang salita o panuring.
Halimbawang Pangungusap | Payak na Panaguri | Buong Panaguri |
---|---|---|
Ibibili ko ng lolipap si Jakie. | ibibili | ibibili ko ng lolipap |
Isda ang piniprito ng nanay. | isda | sida |
Si jakie ay naalikabukan at napuwing. | naalikabukan, napuwing | ay naalikabukan at napuwing |
Ang mga pangungusap ay maaaring pangkatin ayon sa bilang o uri ng diwang bumubuo sa mga ito.
Ito ay binubuo ng isang buong diwa o isang sugnay na makapag-iisa na binubuo ng:
Ang payak ay nangangahulugang isa lamang gaya ng isang simuno, isang panaguri at isang diwa. Ang salitang tambalan ay nangangahulugang dalawa o higit pa gaya ng dalawang simuno at dalawang panaguri.
Ito ay pangungusap na binubuo ng dalawang buong diwa o pangungusap o sugnay na makapag-iisa. Maaaring magkaugnay o magkasalungat ang dalawang diwa nito na pinag-uugnay ng pangatnig. Ang at, ngunit, subalit, datapwat, pero, samantala at habang ay ilan sa mga pangatnig na ginagamit sa tambalang pangungusap.
Halimbawa: Ang nanay niya ay isang guro at ang kanyang tatay ay isang doktor.
Ito ay pangungusap na binubuo ng isang buong diwa o sugnay na makapag-iisa at isang hindi buong diwa o sugnay na di-makapag-iisa (lipon ng mga salitang may simuno at panaguri na hindi buo ang diwa dahil sa pangatnig sa unahan nito). Ang dahil, kasi, sapagkat, kung, kapag, pag, kaya, upang at para ay mga pangatnig na ginagamit sa hugnayang pangungusap.
Halimbawa: Umiyak ang bata dahil nadapa siya.
May mga pangungusap na walang tiyak na paksa at panaguri o alinman sa mga sangkap nito pero buo pa rin ang diwang ipinapahiwatig nito.
Pangungusap na nagpapahayag ng pagkamayroon o pagkawala ng pinag-uusapan.
Halimbawa: Wala na bang darating?
Pangungusap na nagsasaad ng kalagayan o panahong panandalian lamang. Madalas ay mga pang-abay na pamanahon ang mga ito.
Halimbawa: Gabi na.
Pangungusap na nagsasaad ng kalagayan ng panahon o ng kapaligiran.
Halimbawa: Umaambon.
Pangungusap na binubuo ng isang kataga/salita lamang at nagpapahiwatig na nais kausapin ang kaniyang tinawag o kumukuha lamang atensyon.
Halimbawa: Hoy!
Isang salita na nagpapahayag ng matinding damdamin.
Halimbawa: Aray!
Pangungusap na ginagamit sa pakikipagkapwa para maipahayag nang maayos ang mensahe. Maaari itong pagbati, pasasalamat, paggalang o iba pang ekspresyong naging bahagi na sa kultura.
Halimbawa: Salamat.
Pangungusap na sagot sa mga tanong na hindi na kailangan ng paksa.
Halimbawa: Oo.
Pangungusap na pautos.
Halimbawa: Pakihawak.
This article uses material from the Wikipedia Tagalog article Pangungusap, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Maaaring gamitin ang nilalaman sa ilalim ng CC BY-SA 4.0 maliban kung nabanggit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tagalog (DUHOCTRUNGQUOC.VN) is an independent company and has no affiliation with Wiki Foundation.