Сёрникузя — этӧ ӧтік либо кынымкӧ кыв, кӧдна висьталӧны думасӧ быдсӧн.
Сёрникузясӧ велӧтӧ синтаксис.
Кыв — морттэзӧс ӧтлаӧтан средство. Сійӧ видзикӧ мийӧ ӧтамӧднымлӧ висьталам думаэзнымӧс. Но не торья кыв, не кывтэчас озӧ вермӧ мыччавны думасӧ быдсӧн. Нія сетӧны эмторрезлӧ, ны тӧдчаннэзлӧ да керӧммезлӧ ниммез. Сёрникузяӧн жӧ мийӧ вермам висьтавны торья дума — Сук туман лэбтісис юр вевдӧрам; ловкылӧм — Ми вынаӧсь, чожӧсь и немись ог полӧ; корӧм, тшӧктӧм — Кокӧ, кокӧ, эн джӧмдав, нильыг туйын эн нильдав. Сёрникузяын кыввез ӧтлаасьӧны ӧтік прогласӧн, кӧда мыччалӧ думалісь помасьӧм.
Сёрникузяын эм под и паськӧтан юкӧттэз. Подсӧ видзӧны кык юкӧт: юракыв да висьтас. Псаськӧтан юкӧттэзӧн лыддьӧны содталан, тӧдмӧтан, тӧдчӧтан.
Сы сьӧрті, тыр я подыс торйӧтӧны кыксостава и джынъя сёрникузяэз.
Сы сьӧрті, кыным подыс сёрникузяын торйӧтӧны ӧтпӧвса да унапӧвса.
This article uses material from the Wikipedia Перем Коми (Perem Komi) article Сёрникузя, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Модік абу кӧ иньдӧм, пытшкӧссӧ позьӧ видзӧтны CC BY-SA 4.0 лицензия сьӧрті Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Перем Коми (Perem Komi) (DUHOCTRUNGQUOC.VN) is an independent company and has no affiliation with Wiki Foundation.