చాందిని చౌదరి

లఘుచిత్రాలలో నటించిన చాందిని, కేటుగాడు సినిమాతో తెలుగు సినిమారంగంలోకి ప్రవేశించింది.

చాందిని చౌదరి
జననం	చాందిని చౌదరి (1991-10-23) 1991 అక్టోబరు 23 (వయసు 32) విశాఖపట్టణం, ఆంధ్రప్రదేశ్, భారతదేశం
ఇతర పేర్లు	చాందిని
వృత్తి	నటి
క్రియాశీల సంవత్సరాలు	2015–ప్రస్తుతం

చాందిని చౌదరి 1991, అక్టోబరు 23న విశాఖపట్టణంలో జన్మించింది. విద్యాభ్యాసమంతా బెంగళూరులో పూర్తిచేసింది.

బెంగళూరులో చదువుతున్న సమయంలోనే లఘచిత్రాలలో నటించింది. కొన్ని ముఖాముఖీలలో తను ఎమన్నదంటే తను వేసవి సెలవలకి ఇంటికి వచ్చినప్పుడు యమ్.ఆర్ ప్రొడక్షన్స్ వారి 'ది వీక్' అనే లఘు చిత్రంలో నటించే అవకాశం వచ్చింది. ఆ తర్వాత తను ప్రేమ ప్రేమ, లవ్ ఎట్ ఫస్ట్ సైట్, ట్రూ లవ్, అప్రోచ్, ప్రపోజల్, మధురం, సాంబార్ ఇడ్లీ, లక్కీ, టూ సైడ్ లవ్, ఫాల్ ఇన్ లవ్, రోమియో జూలియట్ మొదలగు లఘు చిత్రాలు చాందినికి గుర్తింపునిచ్చాయి. మొదట్లో యువ కథానాయకుడు రాజ్ తరుణ్ తో కలిసి చాలా లఘు చిత్రాలలో నటించి విజయవంతమైన జంటగా పేరు తెచ్చుకున్నారు అందులో ఒకటి 'ది బ్లైండ్ డేట్'. వారు అన్ని లఘు చిత్రాలు చేసినప్పటికీ ఒక్క చలనచిత్రంలో కూడా కలిసి నటించకపోవడం గమనార్హం.

2013లో వచ్చిన మధురం లఘచిత్రంలో చాందిని నటనను చూసిన ముళ్ళపూడి వరా, కె.రాఘవేంద్రరావులు కుందనపు బొమ్మ అనే చిత్రంలో అవకాశం ఇచ్చారు. కానీ, కొన్ని కారణాల వల్ల ఆ సినిమా 2015 జనవరిలో ప్రారంభమైంది.2015లో కేటుగాడు చిత్రంతో తెలుగు చలన చిత్ర తెరకు పరిచయం అయ్యింది. అంతకుముందు తను లైఫ్ ఈజ్ బ్యూటిఫుల్, ప్రేమ ఇష్క్ కాదల్ సినిమాలలో చిన్న పాత్రలు పోషించింది. ఆ తరువాత కేటుగాడు సినిమాలో కధానాయికగా నటించిన చాందిని బ్రహ్మోత్సవం, శమంతకమణి సినిమాలలో కూడా నటించింది. 2018లో వచ్చిన మను సినిమాలో తన పాత్రకు ప్రశంసలు అందుకుంది. 2020లో సుహాస్ సరసన కలర్ ఫోటో సినిమాలో నటించింది.

టెలివిజన్