ఐపీఎస్‌ చందనా దీప్తి

ఆమె 2012 బ్యాచ్‌కి చెందిన ఐపీఎస్ అధికారిణి, ప్రస్తుతం తెలంగాణ రాష్ట్రం నల్గొండ జిల్లా ఎస్పీగా భాద్యతలు నిర్వహిస్తుంది.

చందన దీప్తి
నల్గొండ ఎస్పీ
అధికారంలో ఉన్న వ్యక్తి
అధికార ప్రారంభం 2021 డిసెంబర్‌ 31 - ప్రస్తుతం
వ్యక్తిగత వివరాలు
జననం	1983 వరంగల్, తెలంగాణ రాష్ట్రం, భారతదేశం.
తల్లిదండ్రులు	విజయలక్ష్మి, జకర్యా
జీవిత భాగస్వామి	బలరామ్‌ రెడ్డి
బంధువులు	ధీరజ్‌ (తమ్ముడు)
వృత్తి	ఐపీఎస్ అధికారిణి

చందన దీప్తి 1983లో వరంగల్ లోని చందా కాంతయ్య మెమోరియల్‌ (సీకేఎం) ఆసుపత్రిలో విజయలక్ష్మి, జకర్యా దంపతులకు జన్మించింది. చందన దీప్తి తండ్రి ప్రభుత్వ ఉద్యోగి కావడంతో ఆమె విద్యాభాస్యం వివిధ నగరాల్లో పూర్తి చేసింది. ఆమె రాజమండ్రిలో ఎల్‌కేజీ నుంచి రెండో తరగతి వరకు, నెల్లూరులో మూడు, నాలుగో తరగతి, తర్వాత చిత్తూరులోని గుడ్‌ షెపర్డ్‌ హైస్కూల్‌లో ఐదు నుంచి 12వ తరగతి (సీబీఎస్‌ఈ) వరకు చదివింది. నెల్లూరులో ఇంటర్మీడియట్ పూర్తి చేసి, ఢిల్లీ ఐఐటీలో కంప్యూటర్‌ సైన్స్‌ పూర్తి చేసింది. ఆమె తండ్రి సూచనలతో సివిల్స్‌ వైపు మళ్ళి హైదరాబాద్‌లోని ఆర్‌సీరెడ్డి ఐఏఎస్‌ కోచింగ్‌ సెంటర్‌లో చేరి రెండో ప్రయత్నంలో ఐపీఎస్‌ ర్యాంక్‌ సాధించింది.

చందన దీప్తి ఐపీఎస్‌ సెలెక్ట్ అయ్యాక మొదటగా నల్లగొండలో ప్రొబేషనరీ ఆఫీసర్‌గా చేసింది. ఆమె తర్వాత తాండూరు ఏఎస్పీగా, నిజామాబాద్‌ ఓఎస్డీగా పని చేసింది. ఆమె 2013 నుండి 2021 డిసెంబర్ వరకు మెదక్‌ ఎస్పీగా బాధ్యతలు నిర్వహించింది.ఆమె 2021 డిసెంబర్‌ 24న హైదరాబాద్ నార్త్‌జోన్‌ డిప్యూటీ కమిషనర్‌ ఆఫ్‌ పోలీస్‌(డీసీపీ)గా నియమితురాలైంది.

చందనా దీప్తిని 2023 డిసెంబర్‌ 31న నల్గొండ ఎస్పీగా రాష్ట్ర ప్రభుత్వం నియమించింది.

చందన దీప్తి వివాహం 2019, అక్టోబరు 18న హైదరాబాద్ తాజ్‌కృష్ణ హోటల్ లో పారిశ్రామికవేత్త బలరాం రెడ్డితో జరిగింది.