ఇందిరా గాంధీ జాతీయ సమైక్యతా పురస్కారం
ఇందిరా గాంధీ జాతీయ సమైక్యతా పురస్కారం భారత జాతీయ కాంగ్రెస్ మాజీ ప్రధాని ఇందిరా గాంధీ పేరుమీద ప్రదానం చేస్తున్న ప్రతిష్ఠాత్మక పురస్కారం.
1985 నుండి ప్రతియేటా ఇందిరా గాంధీ వర్ధంతిరోజు అంటే అక్టోబర్ 31వ తేదీన ఈ పురస్కారాన్ని భారతీయ జాతి, మత, సాంస్కృతిక, భాషా, సాంప్రదాయ గుంపులతో సాంగత్యం కలిగి ఉండి, జాతి సమైక్యతను అర్థం చేసుకుని, వృద్ధి చేస్తూ, భారతీయాత్మ అయిన ఏకత్వాన్ని ఆలోచన ద్వారా, ఆచరణ ద్వారా కృషి చేసే వ్యక్తులకు, సంస్థలకు ప్రదానం చేస్తున్నారు. కళ, విజ్ఞాన, సాంస్కృతిక, విద్యా, సాహిత్య, మత, సామాజిక సేవ, జర్నలిజం రంగాలలోని నిష్ణాతులు సభ్యులుగా కల సలహాసంఘం ఈ పురస్కారానికి విజేతను ఎన్నుకుంటుంది. ఏ సంవత్సరం ఈ పురస్కారానికి ఎన్నుకుంటారో ఆ ఏడాదికి వెనుక రెండు సంవత్సరాల కాలంలో చేసిన కృషిని పరిగణనలోకి తీసుకుంటారు. ఈ పురస్కారం క్రింద 5 లక్షల రూపాయల నగదు బహుమతి, ప్రశంసాపత్రం ఇస్తారు.
| ఇందిరా గాంధీ జాతీయ సమైక్యతా పురస్కారం | |
|---|---|
| వివరణ | జాతీయ సమైక్యతకోసం కృషికి |
| Location | న్యూ ఢిల్లీ |
| దేశం | భారతదేశం  |
| అందజేసినవారు | భారత జాతీయ కాంగ్రెస్ |
| మొదటి బహుమతి | 1985 |
పురస్కార గ్రహీతలు
ఈ పురస్కారం పొందినవారిలో స్వామి రంగనాథానంద (1987), అరుణా అసఫ్ అలీ, భారత్ స్కౌట్స్ అండ్ గైడ్స్ (1987), పి.ఎన్.హస్కర్, ఎం.ఎస్. సుబ్బులక్ష్మి (1990), రాజీవ్ గాంధీ (మరణానంతరం), పరంధామ ఆశ్రమం (వార్ధా, మహారాష్ట్ర), ఆచార్య తులసి (1993), భీష్మాంబర్ నాథ్ పాండే (1996), బియాంత్ సింగ్ (పంజాబ్ ముఖ్యమంత్రి, మరణానంతరం) &నట్వర్ ఠక్కర్ (జంటగా), గాంధీ ఇన్‌స్టిట్యూట్ ఆఫ్ పబ్లిక్ ఎఫైర్స్ (కర్ణాటక), ఇందిరాగాంధీ సెంటర్ ఫర్ నేషనల్ ఇంటిగ్రేషన్ (శాంతినికేతన్), ఎ.పి.జె.అబ్దుల్ కలాం, శంకర్ దయాళ్ శర్మ (మరణానంతరం), సతీష్ ధావన్, హెచ్.వై.శారదా ప్రసాద్, రామ్‌ - రహీమ్‌ నగర్ స్లమ్‌ డ్వెల్లర్స్ అసోసియేషన్ (అహ్మదాబాద్), ఆమన్ పాఠక్ పీస్ వాలంటీర్ గ్రూప్ (అహ్మదాబాద్), రామ్‌సింహ్ సోలంకి & సునీల్ తమైచే (జంటగా), ఆచార్య మహాప్రజ్ఞ (2002), శ్యామ్ బెనగళ్ (2003), మహాశ్వేతాదేవి (2004), జావేద్ అఖ్తర్ (2005), డా.జె.ఎస్.బందూక్ వాలా & రామ్‌ పునియాని (జంటగా) (2006), బలరాజ్ పురి (2009), ఎ.ఆర్.రహమాన్& రామకృష్ణ మఠం (జంటగా) (2010), మోహన్ ధరియా (2011), గుల్జార్ (2012), యం.యస్.స్వామినాధన్ (2013), పి.వి.రాజగోపాల్ (2014), టి.ఎం.కృష్ణ (2015-2016), చండీప్రసాద్ భట్ (2017 -2018) మొదలైనవారున్నారు.
మూలాలు
This article uses material from the Wikipedia తెలుగు article ఇందిరా గాంధీ జాతీయ సమైక్యతా పురస్కారం, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). అదనంగా సూచించని పక్షంలో పాఠ్యం CC BY-SA 4.0 క్రింద లభ్యం Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki తెలుగు (DUHOCTRUNGQUOC.VN) is an independent company and has no affiliation with Wiki Foundation.