జ్వర్ట్నాట్స్ అంతర్జాతీయ విమానాశ్రయం

ఇది ఆర్మేనియా దేశపు ముఖ్యమైన అంతర్జాతీయ విమానాశ్రయంగా పరిగణించబడుతున్నది. ఇది ఆ దేశపు అత్యంత రద్దీ కలిగిన విమానాశ్రయం.

జ్వర్ట్నాట్స్ అంతర్జాతీయ విమానాశ్రయం Զվարթնոց Միջազգային Oդանավակայան
జ్వర్ట్నాట్స్ అంతర్జాతీయ విమానాశ్రయం
IATA: EVN ICAO: UDYZ
సంగ్రహం
విమానాశ్రయ రకం	అంతర్జాతీయ
యజమాని	జనరల్ డిపార్ట్‌మెంట్ ఆఫ్ సివిల్ ఏవియేషన్ ఆఫ్ ఆర్మేనియా
కార్యనిర్వాహకత్వం	ఆర్మేనియా ఇంటర్నేషనల్ ఎయిర్‌పోర్ట్స్ CJSC
సేవలు	యెరెవాన్
ప్రదేశం	యెరెవాన్, ఆర్మేనియా
ఎయిర్ హబ్	ఆర్మేనియా ఎయిర్‌కంపెనీ
ఎత్తు AMSL	2,838 ft / 865 m
అక్షాంశరేఖాంశాలు	40°08′50″N 044°23′45″E / 40.14722°N 44.39583°E / 40.14722; 44.39583
వెబ్‌సైటు	www.zvartnots.aero
పటం
Location of airport in Armenia
రన్‌వే
దిశ పొడవు ఉపరితలం మీటర్లు అడుగులు 09/27 3,850 12,631 తారు/కాంక్రీటు
గణాంకాలు (2017)
ప్రయాణీకుల సంఖ్య 24,48,250
Soure:EUROCONTROL వద్ద ఆర్మేనియన్ AIP

 

ఈ విమానాశ్రయం 1961లో తన కార్యకలాపాలను ఆరంభించింది. 1970లో నిర్వహించిన పోటీలో ఎం.ఖచిక్యన్, ఎ.తర్ఖన్యన్, ఎస్.కలష్యన్,ఎం.బఘ్దసర్యన్‌లు మొదటి టర్మినల్‌ను డిజైన్ చేయడానికి ఎన్నికైనారు. సోవియట్ యూనియన్ ప్రాంతీయ రవాణా అవసరాలకు అనుగుణంగా కొత్త టర్మినల్ ఏరియా అభివృద్ధితో ఈ విమానాశ్రయం 1980లలో నవీకరించబడింది.

ఆర్మేనియా 1990లలో సోవియట్ యూనియన్ నుండి విడిపోయి స్వతంత్రదేశంగా ప్రకటించుకున్న తర్వాత సరుకు రవాణా అభివృద్ధి కావడంతో 1998లో ఈ విమానాశ్రయంలో మిలియన్ టన్నుల వార్షిక సామర్థ్యం కల కొత్త కార్గో టర్మినల్ నిర్మాణం జరిగింది. కార్పొరేషన్ అమెరికా అనే అర్జెంటీనా కంపెనీ యాజమాన్యంలో ఉన్న ఆర్మేనియా ఇంటర్నేషనల్ ఎయిర్‌పోర్ట్స్ CJSC అనే సంస్థతో 2001లో విమానాశ్రయం నిర్వహణ కొరకు 30 సంవత్సరాల ఒప్పందం కుదుర్చుకున్నారు. ఆ ఒప్పందం ప్రకారం ఆర్మేనియా ఇంటర్నేషనల్ ఎయిర్‌పోర్ట్స్ CJSC రన్‌వేను, టాక్సీ వేస్‌ను, ర్యాంపును నవీకరించింది. 2006లో క్రొత్త అరైవల్స్ హాల్‌ను ప్రారంభించారు. తరువాత 2011లో డిపార్చర్స్ & అరైవల్స్ టర్మినల్‌ను, 1000 వాహనాలు సామర్థ్యం ఉన్న కార్ పార్కింగ్ సదుపాయాన్ని ఏర్పాటు చేశారు. 2013 జనవరి 30న దుబాయ్, యునైటెడ్ అరబ్ ఎమిరేట్స్‌లో జరిగిన ఎమర్జింగ్ మార్కెట్స్ ఎయిర్‌పోర్ట్స్ అవార్డ్ (EMAA) వేడుకల్లో జ్వర్ట్నాట్స్ అంతర్జాతీయ విమానాశ్రయానికి "కామన్‌వెల్త్ ఇండిపెండెంట్ స్టేట్స్ (CIS)లో ఉత్తమ ఎయిర్‌పోర్ట్" అవార్డ్ లభించింది.

ఈ విమానాశ్రయానికి ఆంటొనొవ్ An-225, బోయింగ్ 747-400, ఎయిర్‌బస్ A380 వంటి విమానాలను నిలిపే సామర్థ్యం ఉంది. ఈ విమానశ్రయపు రన్‌వే రెండవ కేటగరీ ఇన్‌స్ట్రుమెంట్ ల్యాండింగ్ సిస్టంతో అనుసంధానించ బడి ఉంది. దానివల్ల 30 మీటర్ల గరిష్ట పరిమితి, 350 మీటర్ల దృగ్గోచరంతో విమానాలను నడుపవచ్చు.

 

 

ఈ విమానాశ్రయంలో కొత్తగా ఫ్లయిట్ ఇన్ఫర్మేషన్ డిస్‌ప్లే సిస్టం (FIDS), బ్యాగేజీల కొరకు ఆటొమేటెడ్, బయోమెట్రిక్ ఐడెంటిఫికేషన్ సిస్టం, చెక్-ఇన్, ప్యాసింజర్ కంట్రొల్, 150 సర్వైలెన్స్ కెమెరాలు వంటి సదుపాయాలను ఏర్పాటు చేశారు. ఈ విమానాశ్రయంలో ప్రవేశానికి ప్రి కంట్రోల్ (వేలిముద్రలు, బోర్డింగ్ పాస్), పాస్‌పోర్ట్ కంట్రోల్, ఎక్స్‌రే కంట్రోల్ అనే మూడంచెల రక్షణ వ్యవస్థను ఏర్పాటు చేశారు.

కార్గో

టర్మినల్ బయట అనేక రకాలైన టాక్సీ సర్వీసులు ఉన్నాయి. కానీ జ్వర్ట్నాట్స్ అంతర్జాతీయ విమానాశ్రయం అధికారిక టాక్సీ సర్వీసు ఎయిర్‌పోర్ట్ టాక్సీ పేరుతో నడుపబడుతున్నది. ఈ సర్వీసు విమానాశ్రయం నుండి ఏ వైపుకైనా, అన్ని ప్రదేశాల నుండి విమానాశ్రయానికి ప్రయాణీకులను చేరుస్తుంది.

2017లో ఎయిర్ పోర్టు నుండి యెరెవాన్ డౌన్‌టౌన్‌కు బస్ సర్వీసును ప్రారంభించారు. ఈ సదుపాయం ఉదయం 7 గంటలనుండి రాత్రి 10 గంటల వరకు ప్రతి అరగంటకు, రాత్రి 10 గంటలనుండి ఉదయం 7 గంటల వరకు ప్రతి గంటకు ఒక బస్సు నడుపబడుతుంది.

• ఆర్మేనియాలో రవాణా వ్యవస్థ
• పూర్వపు యు.ఎస్.ఎస్.ఆర్.లో రద్దీ కలిగిన విమానాశ్రయాల జాబితా