லிவீவ் (Lviv) மேற்கு உக்ரைனில் உள்ள லிவீவ் மாகாணத்தின் தலைநகரம் ஆகும்.
உக்ரைனின் இன்றைய பண்பாட்டு மையங்களில் முக்கிய இடம் பெற்றுள்ள லிவீவ் வரலாற்றிலும் போலிய மற்றும் யூதர்களின் பண்பாட்டு மையமாக இருந்துள்ளது. இரண்டாம் உலகப் போர், பெரும் இன அழிப்பு மற்றும் அதைத் தொடர்ந்த 1944-46 ஆண்டின் போலிய இடம்பெயர்வுகள் வரையிலும் போலந்தியர்களும் யூதர்களுமே பெரும்பான்மையினராக இருந்தனர். வரலாற்றுச் சிறப்புமிக்க பழங்காலக் கட்டிடங்களும் கற்கள் பதித்த சாலைகளும் உலகப்போரில் தப்பித்து பிந்தைய சோவியத் ஆட்சியிலும் சிதைவுறாது உள்ளது. லிவீவ் பல்கலைக்கழகமும் லிவீவ் பல்தொழில் கழகமும் உயர் கல்வி நிலையங்களாக விளங்குகின்றன. உலகத்தரம் வாய்ந்த பண்பாட்டு நிறுவனங்களாக சேர்ந்திசை இசைக்குழுவும் லிவீவ் ஓப்பரா மற்றும் பாலே தியேட்டரும் புகழ்பெற்றுள்ளன. ஓல்டு டவுன் எனப்படும் பண்டைய நகர்ப்பகுதி உலகப் பாரம்பரியக் களப் பட்டியலில் இடம் பெற்றுள்ளது. செப்டம்பர் 2006இல் லிவீவ் தனது 750வது ஆண்டுநாளைக் கொண்டாடியது.
லிவீவ் Львів | |
---|---|
லிவீவின் வரலாற்றுச் சிறப்பு மிக்க பழைய நகரத்தின் காட்சி | |
குறிக்கோளுரை: "Semper fidelis" எப்போதும் விசுவாசம் | |
உக்ரைன் வரைபடத்தில் லிவீவ் சிவப்பு வண்ணத்தில் குறிக்கப்பட்டுள்ளது. | |
நாடு | உக்ரைன் |
மாகாணம் | லிவீவ் மாகாணம் |
மாவட்டம் | லிவீவ் நகராட்சி |
நிறுவப்பட்டது | 1256 |
மாக்டெபர்கு சட்டம் | 1353 |
அரசு | |
• மேயர் | அன்ட்ரி சதோவி |
பரப்பளவு | |
• நகரம் | 182.01 km2 (70.27 sq mi) |
ஏற்றம் | 296 m (971 ft) |
மக்கள்தொகை (2010) | |
• நகரம் | 760,000 |
• அடர்த்தி | 4,298/km2 (11,130/sq mi) |
• பெருநகர் | 1,498,000 |
நேர வலயம் | EET (ஒசநே+2) |
• கோடை (பசேநே) | EEST (ஒசநே+3) |
அஞ்சல் குறி | 79000 |
தொலைபேசி குறியீடு | +380 32(2) |
வாகன எண்ணொட்டு | BC (2004 முன்னால்: ТА,ТВ,ТН,ТС) |
இணையதளம் | http://lviv.travel/en/index (English) http://www.city-adm.lviv.ua (Ukrainian) |
யூஈஎஃப்ஏ யூரோ 2012 நடத்தப்படும் நான்கு உக்ரைனிய நகரங்களில் இதுவும் ஒன்றாகும்.
This article uses material from the Wikipedia தமிழ் article லிவீவ், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.