கணிதம் மடங்கு: கணிதம்

அதாவது, a, b இரு கணியங்கள் மற்றும் b = na (n ஒரு முழுவெண்) எனில், b என்பது a இன் மடங்கு எனப்படும். இதில் n என்பது "பெருக்கி" அல்லது "பெருக்கெண்" எனப்படும். a என்பது 0 இல்லையெனில், இக்கூற்று "b/a ஒரு முழுவெண்" என்பதற்குச் சமானமாகும்.

கணிதத்தில் a , b இரண்டும் முழுவெண்கள் மற்றும் b ஆனது a இன் மடங்கெனில், a என்பது b இன் வகுஎண் எனப்படும். அதாவது "a ஆனது b ஐ வகுக்கும்" எனப்படுகிறது. a, b முழுவெண்கள் இல்லையெனில் மடங்கு என்பதற்குப் பதிலாக "முழுவெண் மடங்கு" என்ற வார்த்தை பயன்படுத்தப்படுகிறது. மடங்கு என்பது வேறுவிதமான பெருக்கல்களுக்கும் பயன்படுத்தப்படுகிறது. எடுத்துக்காட்டாக p, q, r என்பன மூன்று பல்லுறுப்புக்கோவைகள் மற்றும் p = qr எனில், p பல்லுறுப்புக்கோவையானது, q என்ற பல்லுறுப்புக்கோவையின் மடங்கு எனப்படும்.

சில புத்தகங்களில் "b என்பது a இன் முழுவெண் மடங்கு" என்ற பொருளில், "a என்பது b இன் உள்மடங்கு" எனக் குறிக்கப்படுகிறது. இது அளவையியல் அலகுகளில் முதன்மை அலகின் உள்மடங்காக அமையும் சிறு அலகுகளைக் குறிக்கப் பயன்படுத்தப்படுகிறது (எடுத்துக்காட்டு: பன்னாட்டு எடைகள் மற்றும் அளவைகள் ஆணையம்). எடுத்துக்காட்டாக ஒரு மில்லிமீட்டர் என்பது மீட்டரின் 1000-மடி உள்மடங்காகும்.

14, 49, –21, 0 என்பவை 7 இன் மடங்குகள்; ஆனால் 3, –6 இரண்டும் 7 இன் மடங்குகள் அல்ல.

• ${\displaystyle 14=7\times 2}$ 
• ${\displaystyle 49=7\times 7}$ 
• ${\displaystyle -21=7\times (-3)}$ 
• ${\displaystyle 0=7\times 0}$ 
• ${\displaystyle 3=7\times (3/7)}$ , ${\displaystyle 3/7}$  என்பது விகிதமுறு எண்; முழுவெண் இல்லை
• ${\displaystyle -6=7\times (-6/7)}$ , ${\displaystyle -6/7}$  விகிதமுறு எண்; முழுவெண் இல்லை.

• 0 என்பது எல்லா எண்களின் மடங்காகும் (${\displaystyle 0=0\cdot b}$ ).
• ஒவ்வொரு முழுவெண்ணும் அதனதன் மடங்காக இருக்கும்.

${\displaystyle n=n\times 1}$ 

• ${\displaystyle a}$ , ${\displaystyle b}$  இரண்டும் ${\displaystyle x}$  இன் மடங்குகள் எனில், ${\displaystyle a+b}$ , ${\displaystyle a-b}$  இரண்டும் ${\displaystyle x}$  இன் மடங்குகளாக இருக்கும்.