பிளாக்பர்ன் ரோவர்ஸ் கால்பந்துக் கழகம்
பிளாக்பர்ன் ரோவர்ஸ் கால்பந்துக் கழகம் (Blackburn Rovers F.C.) என்பது இங்கிலாந்தின் பிளாக்பர்ன், லங்காஷைர், நகரில் அமைந்துள்ள தொழில்முறை கால்பந்துக் கழகமாகும்.
இக்கழகம் 1875-ஆம் ஆண்டில் தொடங்கப்பட்டது. 2011-12-ஆம் பருவத்தில் பிரீமியர் லீக்கிலிருந்து தரக்குறைப்பு செய்யப்பட்ட பிறகு, இங்கிலாந்தின் இரண்டாம் நிலை கால்பந்துக் கூட்டிணைவுத் தொடரான "சாம்பியன்ஷிப்"பில் ஆடிவருகிறது.
| முழுப்பெயர் | பிளாக்பர்ன் ரோவர்ஸ் கால்பந்துக் கழகம் |
|---|---|
| அடைபெயர்(கள்) | Rovers The Blue and Whites The Riversiders |
| தோற்றம் | 1875 |
| ஆட்டக்களம் | எவுட் பார்க், பிளாக்பர்ன், லங்காஷைர் |
| கொள்ளளவு | 31,367 |
| உரிமையாளர் | Venky's London Ltd. (99.9%) |
| Director | Mike Cheston |
| மேலாளர் | ஓவன் காய்ல் (Owen Coyle) |
| கூட்டமைப்பு | Football League Championship |
| 2015–16 Football League Championship | சாம்பியன்ஷிப், 15-ஆம் இடம் |
| இணையதளம் | கழக முகப்புப் பக்கம் |
1888-இல் இங்கிலாந்து கால்பந்துக் கூட்டிணைவுத் தொடர் தொடங்கப்பட்டபோது அதன் நிறுவன-உறுப்பினராகவிருந்தது; மேலும், இங்கிலாந்தின் கால்பந்துக் கூட்டிணைவு மற்றும் பிரீமியர் லீக் ஆகிய இரண்டிலும் நிறுவன-உறுப்பினராகவிருந்த மூன்று கால்பந்துக் கழகங்களுள் இதுவும் ஒன்றாகும்; மற்ற இரண்டு கழகங்கள் - அஸ்டன் வில்லா மற்றும் எவர்டன்.
பிளாக்பர்ன் நகரில் அமைந்திருக்கும் "எவுட் பார்க்" மைதானத்தில் 1890-ஆம் ஆண்டிலிருந்து தமது அமைவிடப் போட்டிகளை ஆடிவருகிறது. இக்கழகம் 3 கூட்டிணைவுத் தொடர் வாகைப் பட்டங்களையும் (இரண்டு முதல்நிலை கூட்டிணைவுத் தொடர் வாகையர் மற்றும் ஒரு பிரீமியர் லீக் வாகையர் பட்டம்), 6 எஃப் ஏ கோப்பைகளையும், 1 கால்பந்து கூட்டிணைவுக் கோப்பையையும் வென்றுள்ளது. மேலும், எஃப் ஏ கோப்பையை மூன்று முறை தொடர்ச்சியாக வென்ற ஒரே கால்பந்துக் கழகம் பிளாக்பர்ன் ரோவர்சே ஆகும்.
பிரீமியர் லீக் வாகைப் பட்டம் சூடிய ஆறு கால்பந்துக் கழகங்களுள் பிளாக்பர்ன் ரோவர்சும் ஒன்றாகும். மற்றையவை: மான்செஸ்டர் யுனைடெட் (13), செல்சீ (4), ஆர்சனல் (3), மான்செஸ்டர் சிட்டி (2) மற்றும் லெஸ்டர் சிட்டி (1).
உசாத்துணைகள்
வெளியிணைப்புகள்
This article uses material from the Wikipedia தமிழ் article பிளாக்பர்ன் ரோவர்ஸ் கால்பந்துக் கழகம், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.